Horiso 107:31 - Sơ̆p Hlabơar Nơ̆r 'Bok Kei-Dei

³¹ Ăn kơ lu sư bơnê ư-ang kơ Kră Yang yua kơ tơdrong 'mêm Sư, Yua kơ tơdrong jang hlĭch chrơp Sư pơm boih kơ kon bơngai!

Horiso 107:31 ပူးပေါင်းရင်းမြစ်များ

Horiso 103:2

Ơ bơhngol inh, kơkuh bơnê bĕ kơ Kră Yang. 'Nĕ hiơt dôm tơdrong 'lơ̆ng Sư pơm.

Horiso 107:15

Ăn kơ lu sư bơnê kơkuh kơ Kră Yang yua kơ tơdrong 'mêm Sư. Yua kơ tơdrong jang hlĭch chrơp Sư pơm boih kơ kon bơngai.

Horiso 107:21

Ăn kơ lu sư bơnê kơkuh kơ Kră Yang, Yua kơ tơdrong 'mêm Sư yua kơ tơdrong jang hlĭch chrơp Sư pơm boih kơ kon bơngai.

Horiso 107:8

Ăn kơ lu sư bơnê bĕ kơ Kră Yang yua kơ tơdrong 'mêm Sư. Yua kơ tơdrong hlĭch chrơp Sư pơm boih kơ kon bơngai.

Horiso 71:17

Ơ Kră Yang 'Bok Kei-Dei, Ih bơtho boih inh đơ̆ng oei 'lơ̆p. Dĭng truh tơ dang ei, inh oei roi tơbăt gah tơdrong jang hlĭch chrơp Ih.

Horiso 77:11

Inh tơ'blŏk dơ̆ng kơ dôm tơdrong jang Kră Yang, Inh 'blŏk dơ̆ng kơ lu tơdrong mơsêh hlĭch Ih pơm sơ̆

Horiso 77:14

Ih boih Kră Yang 'Bok Kei-Dei oei pơm tơdrong hlĭch chrơp, Ih đei tơ'bôh boih tơdrong mơsêh Ih kơ kon pơlei.

Hôsia 2:8

Sư ưh tam mă băt kơ Inh, Inh boih Tơ'ngla ăn kơ sư phe 'ba, sik 'nao păng đak rơmă noh, kư̆m ăn thim hu, maih lơ mă-lei lu sư pơyơ̆r ăn kơ yang Baal.

Jôna 1:16

Yua kơ thoi noh lu bơngai noh hli yom kơ Kră Yang lu sư pơyơ̆r tơmam soi ăn kơ Kră Yang păng pơkă hăm Kră Yang.

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

II Tim 3:2

Năr ei kơnh đei lơ bơngai băt 'mêm akâu sư kơdih, mă ưh kơ 'mêm mơnat kơ bôl buăl. Sư hăt kơ jên tơpă. Sư pơang akâu kơdih păng chă pơma pơsôm kơ đe. Sư pơma kơnê̆ kơ đe. Sư ưh kơ chu yom mĕ 'bă sư păng sư ưh kơ băt bơnê kơ đe, sư kư̆ pơm kơnê̆ đĕch.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.