Horiso 107:26 - Sơ̆p Hlabơar Nơ̆r 'Bok Kei-Dei

²⁶ Hơtŏk lu sư kơjung truh tơ plĕnh, đơ̆ng noh tơjur truh tơ jrŭ hloh. Jơhngơ̆m lu sư pơchah, yua kơ pơmat.

Horiso 107:26 ပူးပေါင်းရင်းမြစ်များ

II Sam 17:10

Kơplah noh, lu bơngai nuih kơtang đei jơhngơ̆m thoi Dăm-brang kư̆m hli tơrơ tơtơ̆; yua kơ đĭ-đăng bơngai Isơrael băt kơ pơtao 'bă ih jơ̆ minh 'nu bơngai tơblah hơgei păng lu bơngai kiơ̆ sư tă kơ đei jơhngơ̆m nuih pran ngăl.

Horiso 119:28

Inh lĕch đak măt nhơ̆m hmoi, yua kơ sơ'ngon. Apinh Ih ăn kơ inh đei jơhngơ̆m pran kiơ̆ kơ nơ̆r Ih.

Horiso 22:14

Inh thoi đak đe tuh, đĭ kơting inh pă đei tơklep băl. Plei nuih inh thoi jrĕnh, lek đĭ tơ lăm kơtơh inh.

Êsai 13:7

Yua kơ thoi noh bơih na jơ̆ng ti đĭ rơdu, jơhngơ̆m rim 'nu kon bơngai đĭ hơwơ̆l hơwang.

Na 2:10

Lu sư đe pơrăm lê̆ boih, pă đei kiơ păng pơrăm iŏk tơgar đĭ; jơhngơ̆m lu sư ơh sơ'ngon; kŭl-tăng lu sư pơpơ̆ hơtŭt băl kơiĕng lu sư jĭ ngăl, đĭ-đăng muh măt lu sư dreng hơ'blă.