Horiso 107:12 - Sơ̆p Hlabơar Nơ̆r 'Bok Kei-Dei

¹² Yua kơ noh na Kră Yang ăn kơ lu sư jang gleh pơmat. Lu sư pơ̆k ưh kơ đei bu tơgŭm tơiung.

Horiso 107:12 ပူးပေါင်းရင်းမြစ်များ

II Pot 14:26

Yua kơ Kră Yang 'bôh bơih lu bơngai Isơrael đei tơdrong pơmat-tat ơh sơ'ngon dêh, lăm Isơrael mă bơngai rơngei, dah đĭch pă đei bu dŏng tơgŭm.

II Pot 6:33

Tŏk-bŏk sư oei pơma thoi ei na lu sư 'bôh blư bơngai mă pơtao wơh ei truh, kư̆m blu pơtao truh mơ̆n, pơtao khan kơ 'bok Êlisê thoi âu: “Đei tơdrong răm truh 'nâu lĕch đơ̆ng Kră Yang. Lei inh wă gơnang kơ kiơ kơ Kră Yang dơ̆ng.”

Ne 9:37

Tơmam plei sa lĕch đơ̆ng teh đak âu rơkah rơkai Ih ăn kơ lu pơtao pơgơ̆r nhôn, yua kơ lu nhôn pơm tơdrong yoch, lu pơtao noh mơ̆ng kơ sư wă pơm kiơ kơ akâu jăn lu nhôn păng sem dơrong lu nhôn păng dang ei pơm kơ lu nhôn oei pơmat-tat dêh.

Jop 9:13

Kră Yang 'Bok Kei-Dei ưh kơ đei lê̆ ôh tơdrong Sư hil; Lu bơngai tơgŭm Rahape bon drap ala jơ̆ng Sư.

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Horiso 22:11

'Nĕ kơ oei ataih đơ̆ng inh, yua kơ tơdrong rŭng răng wă jê̆ boih, păng ưh kơ đei bu dŏng inh.

Le 2:23

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Êsai 51:23

Inh gô dan kơchŏk noh tơ lăm ti lu bơngai pơjuă pơđep iĕm, lu bơngai mă khan kơ iĕm: Kŭp drap bĕ kơ nhôn wă kơ nhôn rok juă kơpal. Kơdŭ rŏng iĕm pơm thoi teh, thoi trong ăn kơ đe rok juă.

Êsai 52:5

Kră Yang khan: “Inh wă pơm kiơ âu? Kon pơlei Inh đe rôp anhăk tơdrong kơđei,” Kră Yang khan: “Lu bơngai pơgơ̆r sư ôr pơklai, pơma kơnê̆ kơ anăn Inh ling-lang prăt năr.

Êsai 63:5

Inh chă lăng mă-lei ưh kơ đei bu tơgŭm. Inh lăng hlĭch yua kơ ưh kơ đei bu dŏng. Na Inh yua kơkŏng ti Inh wă dŏng jei gah Inh. Păng tơdrong Inh hil mĭl dŏng tơgŭm Inh.

Lu 16:21

Lu bơngai Philistin rôp sư, kuek 'bar pah măt sư, chông ba sư năm tơ pơlei Gasa, chô̆ sư hăm tơlei glang kong 'bar pah, phak sư ot, tơpăl peh hơ'bo lăm hnam bơnă.

Lu 16:30

Sư khan thoi âu: “Apinh Ih ăn kơ inh lôch hơdai hăm lu kon pơlei bơngai Philistin!” Đơ̆ng noh sư tŭk đĭ jơhngơ̆m pran tŭn tơlơ̆ 'bar tŏ jrăng hơlih? Păk glơ̆m lu yŏng pơgơ̆r păng đĭ-đăng lu kon pơlei oei lăm noh. Kơplah Samsơn lôch, sư pơlôch lu bơngai Philistin lơ hloh kơplah sư oei arih.