Horiso 107:11 - Sơ̆p Hlabơar Nơ̆r 'Bok Kei-Dei

¹¹ Yua kơ lu sư pơjah kơ nơ̆r Kră Yang 'Bok Kei-Dei păng sơngah kơ tơdrong Kră Yang Tih Hloh pơđâu.

Horiso 107:11 ပူးပေါင်းရင်းမြစ်များ

II Ho 33:10

Kră Yang bơtho khan kơ Manase păng kon pơlei sư; mă-lei lu sư ưh kơ wă mơ̆ng.

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Horiso 106:43

Đei lơ wơ̆t Kră Yang dŏng pơklaih lu sư. Mă-lei lu sư pơrơ̆ng pơm plơ̆. Păng lu sư jing răm lăm tơdrong yoch kơdih.

Horiso 106:7

Tơ dêh char Êyiptơ 'bok lu nhôn ưh kơ 'bôh tơdrong hlĭch chrơp Ih kư̆m ưh kơ 'blŏk tơdrong Ih 'mêm mơnat dêh Mă-lei rai pơm plơ̆ tơ đak dơsĭ, noh đak dơsĭ 'brê.

Horiso 119:24

Dôm nơ̆r Ih tơpăt, jơ̆ nơ̆r mă inh lăp đon, Lu nơ̆r noh boih tơ'bôh tơbăt ăn kơ inh.

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Horiso 68:6

Kră Yang 'Bok Kei-Dei ăn kơ lu bơngai hơdrô̆ đei hnam dơnŏ. Chông ba lu bơngai bơnă ăn kơ lu sư pŭn hiôk; Lu bơngai pơm kơnê̆ ayăt gô oei tơ teh kro pơdang.

Horiso 73:24

Ih yua tơdrong bơtho tơ'bôh na dui ba inh. Đơ̆ng noh sơng iŏk inh lăm tơdrong ư-ang.

Horiso 78:40

Băt đei hơdôm wơ̆t lu sư pơm kơnê̆ hăm Kră Yang tơ char 'blach, păng pơm ăn kơ Sư sơ'ngon tơ teh dơnă!

Tơdrông Pơđơk 1:25

Yua kơ lu iĕm sơngah boih đĭ-đăng dôm nơ̆r Inh bơtho khan, Ưh kơ chu iŏk tơdrong inh chrih hơmet;

Êsai 5:19

Lu sư khan: “Apinh Ih jah pơm pơkeh tơdrong jang Ih, wă kơ lu nhôn 'bôh! Apinh tơdrong tơdă đơ̆ng Yang 'Lơ̆ng Rơgoh Isơrael jah truh, jing keh. Wă kơ lu nhôn băt.”

Je 44:16

“Gah tơdrong ih yua anăn Kră Yang khan kơ lu nhôn, lu nhôn ưh kơ wă mơ̆ng ôh.

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 7:30

Mă-lei lu bơngai Pharisi păng lu 'bok thây bơtho tơdrong juăt đe Juđê ưh kơ wă kiơ̆ thoi 'Bok Kei-Dei bơtho, na lu sư kuă kơ iŏk 'batem ôh.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.