Horiso 107:10 - Sơ̆p Hlabơar Nơ̆r 'Bok Kei-Dei

¹⁰ Đei lu bơngai oei lăm măng mu păng yơ̆p tơdrong lôch. Đei lu bơnă pơmat-tat păng oei chô̆ hăm glang mam.

Horiso 107:10 ပူးပေါင်းရင်းမြစ်များ

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Jop 3:5

Rŏ kơ măng mu păng hơmơ̆l tơdrong lôch iŏk lê̆ năr noh; rŏ kơ hơmơ̆l gom lê̆ sư, rŏ kơ măng mu kơ'năr pơm kơ sư hli.

Horiso 105:18

Lu đe jơlŏng lê̆ jơ̆ng sư, chô̆ hơko sư păng glang mam.

Êsai 42:7

Wă pơih ăn măt lu bơngai tol, tơlĕch lu bơngai đe chĭt lăm hnam phak păng đơ̆ng anih măng mu.

Êsai 9:2

Kră Yang ăn kơ kon pơlei âu chek lar rai lơ păng pơthim ăn kơ lu sư chơt hiôk. Rim 'nu chơt hiôk 'bơ̆t anăp Kră Yang, thoi đe chơt hiôk kơ bơyan yuă 'ba, thoi lu bơngai jreo hiôk klah song băl tơmam đơ̆ng blah tơgar iŏk.

Mi 7:8

Ơ lu ayăt kơ inh, 'nĕ mah chhôk kơ inh dêh mă khan inh pơ̆k huŏng boih; kư̆m gô iung dơ̆ng; mă khan inh tơoei lăm anih măng mu, 'Bok Kei-Dei gô pơchrang kơ inh hơdah.

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”