Horiso 106:8 - Sơ̆p Hlabơar Nơ̆r 'Bok Kei-Dei

⁸ Mă-lei, Kră Yang oei tơgŭm lu sư, yua kơ anăn Sư. Wă kơ tơ'bôh tơdrong mơsêh pran Sư.

Horiso 106:8 ပူးပေါင်းရင်းမြစ်များ

Horiso 111:6

Sư đei tơ'bôh boih kơ kon pơlei Sư, tơdrong jang mơsêh pran kơtang Sư. Jao ăn kơ lu sư teh jang sa tơ dêh char đe.

Horiso 143:11

Ơ Kră Yang, yua kơ anăn Ih. Ăn kơ inh arih Lăm tơdrong tơpăt Ih, dui iŏk inh klaih đơ̆ng tơdrong pơmat-tat.

Horiso 23:3

Sư ăn kơ bơhngol inh pran dơ̆ng.a Dui ba inh lăm trong tơpăt, yua kơ anăn Sư.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Le 18:8

Môis ră roi ăn kơ tơnei sư băt tôm tơdrong Kră Yang pơm kơ Pharaôn păng bơngai Êyiptơ sư kư̆m roi gah lu bơngai Isơrael dôm tơdrong pơmat-tat truh kơ lu sư rok trong păng Kră Yang tơgŭm pơklaih lu sư liơ liơ.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Êsai 48:9

Yua kơ anăn Inh kơdih, na Inh ĕnh tơdrong blĕk Inh; yua kơ tơdrong ư-ang Inh kơdih, na pơgơ̆t tơdrong Inh huay kơ pơlôch pơrăm iĕm.

Je 14:21

'Nĕ kơ achăng lê̆ lu nhôn; yua kơ anăn Ih, 'nĕ pơm kơ anih pơtao ư-ang Ih đe pơjăm, Apinh Ih 'blŏk bĕ nơ̆r Ih đei pơgơ̆p hăm lu nhôn păng 'nĕ kơ tŭk.

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Êsêkiên 20:14

Mă-lei yua kơ anăn Inh, Inh pơm wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă 'bôh Inh chông tơlĕch lu sư.

Êsêkiên 20:22

Mă-lei Inh dui lê̆ ti Inh, yua kơ anăn Inh, wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă inh chông tơlĕch lu sư.

Êsêkiên 20:44

Lu iĕm gô băt Inh boih Kră Yang, kơplah Inh yua anăn Inh sơng iŏk lu iĕm, ưh kơ sĭ yua kơ tơdrong kơnê̆ dah trong răm-'băm lu iĕm pơm ôh, ơ adrĕch Isơrael, Kră Yang khan thoi noh.

Êsêkiên 20:9

Mă-lei yua kơ anăn Inh, wă kơ anăn noh đe huay pơm pơ'mê̆ 'bơ̆t anăp lu kon pơlei nai tơ anih mă lu sư oei. 'Bơ̆t anăp lu kon pơlei noh Inh đei tơbăt boih lu bơngai Isơrael. Inh gô chông ba lu sư lĕch đơ̆ng char Êyiptơ.

Rom 9:17

Tơdrong noh thoi lăm sơ̆p hla bơar 'Bok Kei-Dei pơma kơ 'bok Pharôn pơtao đe Êyiptơ sơ̆ thoi âu: “Inh ăn kơ ih pơm pơtao arăng kơ̆l tôm tơdrong ưh kơ chu kơ Inh. Na mơsêh mơyang Inh blah ih, wă kơ kon bơngai ư-ang Inh jơ̆p kơ teh đak.”

Jôsuê 4:24

Kră Yang pơm thoi noh wă kơ đĭ-đăng adrĕch adrung lăm ala teh, băt kơ Kră Yang mơsêh pran kơtang, wă kơ rim 'nu lu iĕm chu kiơ̆ Kră Yang 'Bok Kei-Dei lu iĕm ling-lang.

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.