Horiso 106:45 - Sơ̆p Hlabơar Nơ̆r 'Bok Kei-Dei

⁴⁵ 'Blŏk dơ̆ng kơ lu sư, yua đơ̆ng nơ̆r Sư pơgơ̆p. Yua kơ đơ̆ng tơdrong 'mêm mơnat tih Sư 'mêm mơnat kơ lu sư.

Horiso 106:45 ပူးပေါင်းရင်းမြစ်များ

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

Horiso 105:8

Sư 'blŏk tơdrong pơgơ̆p Sư ling-lang. Sư ưh kơ hiơt tơdrong pơkă pơkăm mă truh rơbâu chăl.

Horiso 135:14

Yua kơ Kră Yang gô sek tơlang tơpăt kơ kon pơlei pơla Sư. Păng đei jơhngơ̆m mơnat kơ lu đĭch đam Sư.

Horiso 136:23

Sư 'blŏk hơdơ̆r kơ lu nhôn răm-'băm. Tơdrong 'mêm Sư oei oei ling-lang.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Horiso 69:16

Ơ Kră Yang! Apinh Ih tơl tơwih kơ inh, yua kơ tơdrong 'mêm 'lơ̆ng Ih; Kiơ̆ kơ tơdrong 'mêm mơnat Ih, apinh wih tơ inh.

Horiso 90:13

Ơ Kră Yang! Apinh Ih hơlơ̆k dơ̆ng. Ih wă hil dĭng dang yơ? Tơplih jơhngơ̆m Ih mơnat kơ đĭch đam Ih

Le 32:14

Đơ̆ng noh Kră Yang tơplih tơdrong Sư tơchĕng wă pơm kơnê̆ lu kon pơlei pơla Sư.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Nhom 3:32

Mă khan Sư đei pơm kơ inh ơh sơ'ngon gô đei tơdrong 'mêm mơnat tih 'bĕnh blai.

Êsêkiên 16:60

Mă-lei, Inh gô 'blŏk tơdrong pơgơ̆p mă Inh đei pơgơ̆p hăm ih kơplah ih oei 'lơ̆p. Inh gô pơm tơdrong pơgơ̆p 'nao khŏm khŏm ling-lang hăm ih.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Lêwi 26:45

Mă-lei yua kơ đơ̆ng lu sư na Inh 'blŏk kơ tơdrong Inh pơgơ̆p hăm yă 'bok lu sư, lu bơngai mă Inh đei chông anhăk lu sư lĕch đơ̆ng char Êyiptơ, 'bơ̆t anăp măt adrĕch adrung kon bơngai, wă pơm Kră Yang 'Bok Kei-Dei lu sư, Inh boih Kră Yang.

Am 7:3

Kră Yang tơplih đon tơchĕng. Kră Yang khan thoi âu: Tơdrong noh huay pă đei truh dơ̆ng.

Am 7:6

Kră Yang khan: Tơdrong noh huay pă truh dơ̆ng.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.