Horiso 106:41 - Sơ̆p Hlabơar Nơ̆r 'Bok Kei-Dei

⁴¹ Na Sư pơjao lê̆ lu sư lăm ti lu bơngai dêh tơmoi, Ăn lu bơngai mă areh kơ lu sư pơgơ̆r lu sư.

Horiso 106:41 ပူးပေါင်းရင်းမြစ်များ

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

Êsêkiên 16:27

'Nâu Inh yơ̆r ti blah ih, iŏk lê̆ tơmam đơ̆ng ăn kơ ih păng pơjao ih kơ lu bơngai ayăt areh kơ ih, lu kon drŏ-kăn Philistin, lu bơngai mă kơdơ̆ mơlâu yua kơ tơdrong ih pơm pơyô kư̆ kă.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 28:29

Kơplah 'năr dơ̆ng iĕm nơnăm chă hơbơ̆ nhen thoi bơngai măt tol yak lăm măng mu; iĕm bơ̆jang sa ưh kơ pŭn. Rim năr đe gô pơjuă pơđep păng tơgar iŏk, ưh kơ đei bơngai bu dŏng iĕm.

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Lu 15:11

Na đei pêng-rơbâu 'nu lu bơngai Juđa jur tơ lăm hơgơp tơmo tơ pơlei Êtam khan kơ Samasơn: Ih ưh kơ băt hă kon pơlei Philistin boih pơgơ̆r lu bơ̆n? Liơ mă ih pơm kơ lu nhôn thoi noh? Sư tơl: Inh pơm 'mong tơwih kơ lu sư thoi lu sư đei pơm kơ inh boih.

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

Lu 3:12

Kon pơlei Isơrael pơm kơnê̆ dơ̆ng 'bơ̆t anăp Kră Yang, na Kră Yang ăn kơ Eglôn, pơtao Môap jing pran năm wang blah Isơrael yua kơ lu sư pơm yoch kơnê̆ 'bơ̆t anăp Kră Yang.

Lu 3:14

Eglôn pơtao char Môap pơjuă pơđep kon pơlei Isơrael lăm mơjĭt-tơhngam sơnăm.

Lu 3:8

Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.