Horiso 106:24 - Sơ̆p Hlabơar Nơ̆r 'Bok Kei-Dei

²⁴ Lu sư lăng hơi đĕch dêh char 'lơ̆ng rŏ. Ưh kơ lui kơ nơ̆r Kră Yang pơkă.

Horiso 106:24 ပူးပေါင်းရင်းမြစ်များ

Bl 25:34

Đơ̆ng noh Jakôp ăn kơ Êsâu sa 'bĕng păng chao hrâu hăm tơh; sa nhă đang boih, na sư iung yak năm. Noh boih Êsâu mă lăng hơi tơdrong jing 'nhŏng kơdră.

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Êsêkiên 20:6

Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.

Jo 13:32

'Bơ̆t anăp lu kon pơlei bơngai Isơrael, lu đe noh roi pơăm tơă khan: Lu kon pơlei oei lăm char mă lu nhôn đei năm chop dăr lăng tơ jơ̆p-jang, char noh luăn sa pơđĭ kon pơlei sư kơdih; lu nhôn 'bôh đĭ lu kon pơlei noh akâu tih kơjung ngăl.

Jo 14:11

Kră Yang khan kơ Môis thoi âu: Kon pơlei 'nâu hil areh păng ưh kơ lui kơ Inh dĭng dang yơ, mă khan Inh đei pơm tơ'bôh tơdrong hlĭch 'bơ̆t anăp lu sư boih ră?

Jo 14:2

Đĭ-đăng lu bơngai Isơrael jŏk kơ Môis păng Arôn; đĭ-đăng lu bơngai tơpôl khan kơ bre sư thoi âu: 'Lơ̆ng hloh kơ lu nhôn jah lôch tơ lăm char Êyiptơ ki, dah jah lôch tơ lăm char glă âu đĕch!

Jo 14:31

Mă-lei Inh gô ăn lu kon hơ'lơ̆p iĕm gô mơ̆t oei tơ lăm char noh mă lu iĕm đei khan: Lu sư jing tơmam đe tơtông tơgar iŏk; đơ̆ng noh lu sư gô oei lăm char mă lu iĕm pơjăm.

Jo 14:9

Lăp kơ bơ̆n 'nĕ kơ hil blah Kră Yang; păng kư̆m 'nĕ kơ hli kơ lu kon pơlei lăm char noh, yua kơ lu sư jing thoi tơmam sa bơ̆n boih, ưh pă đei bu tơgŭm lu sư kĕ blah bơ̆n dơ̆ng păng 'nĕ pă hli Kră Yang oei gah bơ̆n.

Mathiơ 22:5

Mă-lei lu bơngai mă sư wơ̆n ei oei ưh kơ chu kơ năm sŏng sa 'mơ̆i, lu sư khan ưh kơ kăl. Lu sư kơtơ̆ng boih bơngai jang kơ 'bok pơtao năm krao lu sư, mă-lei lu sư mơ'nah năm jang tơ mir, mơ'nah hăt kơ năm mơdro sa.

Both 1:26

Mă-lei lu iĕm ưh kơ wă năm ôh păng sơngah kơ nơ̆r đơ̆ng Kră Yang 'Bok Kei-Dei lu iĕm tơtă.

Both 1:32

Mă-lei lu iĕm oei ưh kơ lui kơ Kră Yang 'Bok Kei-Dei lu iĕm 'mơ̆i.

Both 9:23

Kơplah Kră Yang athei lu iĕm weh đơ̆ng Kades Barnêa, pơkă khan: Năm iŏk bĕ dêh mă Inh ăn kơ lu iĕm, mă-lei lu iĕm blah plơ̆ Kră Yang 'Bok Kei-Dei lu iĕm tơtă, ưh kơ lui kơ Sư păng ưh kơ chu mơ̆ng kiơ̆ nơ̆r Sư ôh.

Hêbrơ 12:16

Iĕm athei kơchăng, wă kơ lơ̆m lu iĕm huay kơ đei bu ngôi pơyô kư̆ kă, dah pơhơi tơdrong 'Bok Kei-Dei thoi Êsâu sơ̆. Sư tĕch đĭ dôm mŭk tơmam mă 'bă sư wă ăn kơ sư yua kơ sư kon kơdră, mă sư tĕch pơđĭ kơ oh sư lăp minh 'măng sa đĕch.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Hêbrơ 4:2

Yua kơ bơ̆n kơtơ̆ng boih đe bơtho tơdrong 'nao 'lơ̆ng, thoi lu bơngai noh kơtơ̆ng sơ̆, mă ưh kơ yua kiơ kơ lu bơngai noh, kơlih kơ lu sư ưh kơ wă lui.

Hêbrơ 4:6

Lu bơngai noh sơ̆ kơtơ̆ng boih đe bơtho tơdrong 'nao 'lơ̆ng, mă lu sư ưh kơ chu kuă kơ lui, noh na lu sư ưh kơ gơh mơ̆t pơdơh hăm Sư. Lu sư kuă lê̆, 'Bok Kei-Dei ăn kơ bơngai nai mơ̆t.

Ju 1:5

Dôm tơdrong lu kră sơ̆ iĕm băt boih, mă inh wă tơ'blŏk kơ iĕm dơ̆ng. Sơ̆ 'Bok Kei-Dei dŏng pơklaih lu bơngai Isơrael đơ̆ng dêh Êyiptơ, mă-lei đơ̆ng rŏng kơ noh, Sư kư̆m đei pơlôch lu bơngai Isơrael mơ'nah ưh kơ chu lui.