Horiso 106:23 - Sơ̆p Hlabơar Nơ̆r 'Bok Kei-Dei

²³ Thoi noh; Sư khan: Sư wă pơlôch pơđĭ lu sư. Dah ưh kơ Môis, bơngai Sư rơih, dơ̆ng 'bơ̆t anăp Kră Yang 'Bok Kei-Dei.a Wă apinh Kră Yang 'Bok Kei-Dei lê̆ pă hil, huay kơ pơlôch đĭ lu sư.

Horiso 106:23 ပူးပေါင်းရင်းမြစ်များ

Jop 35:8

Tơdrong kơnê̆ ih lăp gơh pơrăm bơngai thoi ih, Tơdrong 'lơ̆ng tơpăt ih gơh tơgŭm kơ kon bơngai đĕch.

Horiso 105:26

Sư wơh Môis đĭch đam Sư păng Arôn bơngai mă Sư rơih boih.

Horiso 105:6

Ơ lu adrĕch adrung Abraham, đĭch đam Sư. Ơ lu kon sâu Jakôp, lu bơngai mă Sư rơih.

Le 32:32

Mă-lei, dang ei apinh Ih mơnat ăn tơdrong yoch lu sư. Dah ưh, apinh sŭt lê̆ bĕ anăn inh đơ̆ng lăm sơ̆p hla bơar Ih đei chih bơih noh;

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Êsêkiên 13:5

Lu iĕm ưh kơ đei năm tơ anih dur pơlei đe pơrăm pơchah hĕch wă hơmet ăn kơ adrĕch Isơrael, wă kơ oei dơ̆ng kơjăp lăm tơdrong tơblah lăm năr Kră Yang.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Êsêkiên 22:30

Inh chă lăng minh 'nu bơngai lăm lu sư, wă man pơdơ̆ng ming dur, wă kơ tơplih kơ pơlei, lăm teh đak păng dơ̆ng chĭt bơlôh dur 'bơ̆t anăp Inh, wă kơ Inh huay kơ pơrăm teh đak lu sư; mă-lei Inh chă ưh kơ đei bu.

Jo 16:5

khan kơ Kôrê păng đĭ-đăng lu bơngai pôm đon hăm sư thoi âu: Pơgê dơning Kră Yang gô tơ'bôh ăn bơngai bu gah Sư mă 'lơ̆ng rơgoh; Sư gô ăn kơ lu bơngai noh gô năm jê̆ Sư, wă khan ăn kơ bơngai mă Sư đei rơih iŏk boih năm jê̆ Sư.

Mathiơ 12:18

“'Bok Kei-Dei khan: ‘Âu boih đam Inh, Inh rơih iŏk Sư, Inh 'mêm kơ Sư tơpă, Inh lăp đon kơ Sư dêh. Inh gô ăn kơ Sư Yang Bơhngol Inh, Wă bơtho tơbăt ăn kơ đĭ-đăng khŭl bơngai gah tơdrong Inh wă sek tơlang ning-mônh.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 15:19

Dah iĕm khŭl bơngai ala teh âu, lei tơduă iĕm ala teh âu 'mêm mơnat dih băl. Mă-lei Inh rơih iŏk iĕm đơ̆ng khŭl ala teh âu na lu sư lăng iĕm thoi lĕ ưh kơ dih bôl. Kơlih kơ thoi noh na lu sư hil areh kơ lu iĕm.

Both 10:10

Inh oei tơ kơpal kông lăm puăn-jĭt năr păng puăn-jĭt măng kư̆m thoi adrol ki, na Kră Yang mơ̆ng nơ̆r inh; lăp đon ưh pă wă pơlôch iĕm,

Both 9:19

Inh hli kơ Kră Yang blĕk hil mĭl dĭng mah Sư wă pơlôch pơgoh lu iĕm: Mă-lei Kră Yang oei mơ̆ng nơ̆r inh mơ̆n.

Both 9:25

Thoi noh Kră Yang khan Sư wă pơlôch đĭ lu iĕm. Na inh đei drap bon kơkuh 'bơ̆t anăp Kră Yang lăm puăn-jĭt năr păng puăn-jĭt măng boih.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.