Horiso 104:31 - Sơ̆p Hlabơar Nơ̆r 'Bok Kei-Dei

³¹ Hơpơi kơ tơdrong ư-ang Kră Yang oei oei ling-lang; Hơpơi kơ Kră Yang hiôk chơt kơ tơdrong jang Sư.

Horiso 104:31 ပူးပေါင်းရင်းမြစ်များ

Bl 1:31

Kră Yang 'Bok Kei-Dei 'bôh dôm tơdrong đơ̆ng Sư pơjing 'lơ̆ng tơpă. Đơ̆ng noh đei kơsơ̆ păng pơgê noh năr mă tơdrâu.

Horiso 102:16

Kră Yang gô pơjing dơ̆ng pơlei Siôn. Sư gô pơdah Sư kơdih lăm tơdrong ư-ang

Le 31:17

Tơdrong noh jing tơdrong tơdra Inh hăm kon pơlei Isơrael ling-lang khŏm khŏm, yua kơ Kră Yang pơjing kơ plĕnh teh păng tôm tơmam lăm tơdrâu năr. Truh năr tơpơh sư pơdơh.

Êsai 62:5

Thoi bơngai tơdăm oei kơ bơngai adruh 'nao iung, kư̆m thoi lu kon drŏ-nglo ih gô oei hăm ih; thoi bơngai 'nao iŏk akăn gô hiôk chơt yua kơ akăn sư 'nao iŏk. Na Kră Yang 'Bok Kei-Dei ih kư̆m hiôk chơt yua kơ ih.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Jêphania 3:17

Kră Yang 'Bok Kei-Dei ih oei tŏk-bŏk ih; Sư boih mơsêh gô dŏng pơklaih ih. Sư gô chơt hiôk đĭ-đăng yua kơ đơ̆ng ih. Yua kơ tơdrong 'mêm mơnat Sư, Sư gô ĕnh; păng yua kơ đơ̆ng ih, Kră Yang gô hơri chơt hiôk.”

Rom 11:36

Yua kơ Sư gơh pơjing kơdih tôm tơdrong păng Sư gơh pơgơ̆r wei-lăng tôm tơdrong. Tôm tơdrong noh wă kơ đĭ-đăng bơngai ư-ang kơ Sư. Na bĕ bơ̆n ư-ang kơ Sư ưh kơ layơ tôch. A-men.”

Galati 1:5

Bĕ bơ̆n ư-ang 'Bok Kei-Dei ling-lang ling-lang ưh kơ layơ tôch. A-men.

Êphêsô 3:21

Na bĕ đĭ-đăng kơ lu bơ̆n kon Sư ư-ang anăn Sư, kư̆m thoi Yêsu Krist ư-ang anăn Sư, ling-lang khŏm khŏm ưh kơ layơ tôch. A-men.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.

I Pet 5:11

Pôm 'Bok Kei-Dei đĕch boih mơsêh mơyang pơgơ̆r ling-lang ưh kơ đei layơ tôch. A-men.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.