Horiso 104:21 - Sơ̆p Hlabơar Nơ̆r 'Bok Kei-Dei

²¹ Lu dăm-brang mơlôh grĕnh chă sa, chă sa tơmam mă đơ̆ng Kră Yang 'Bok Kei-Dei ăn kơ lu sư.

Horiso 104:21 ပူးပေါင်းရင်းမြစ်များ

Jop 38:39

Ih hăm chă hơnguang tơmam sa ăn kơ dăm-brang akăn, Ăn kơ kon dăm-brang sa hrăp.

Jop 38:41

Bu chă tơmam sa ăn kơ ak; Kơplah hơnar sư krao ôr apinh Kră Yang 'Bok Kei-Dei, Dah păr wơ̆t wih to âu yua kơ ưh kơ đei tơmam sa?

Horiso 145:15

Đĭ-đăng măt kon bơngai oei chang Ih. Ih ăn kơ lu sư tơmam sa kiơ̆ trŏ 'bơ̆t sư kăl yua.

Horiso 147:9

Asong ăn tơmam sa kơ kon sem brem păng kơ kon ak mưh sư hmoi.

Horiso 34:10

Kon dăm-brang mơlôh khăi kơ tơmam sa păng pơngot. Mă-lei bơngai bu mă krao chă Kră Yang ưh kơ đei khăi kơ tơmam 'lơ̆ng ôh.

Êsai 31:4

Kră Yang đei khan bơih kơ inh thoi âu: “Nhen thoi dăm-brang grĕnh, dah nhen thoi dăm-brang mơlôh arum chă rôp tơmam sa, mă đơ̆ng lu bơngai wei triu minh khŭl lơ ră wă blah sư, sư ưh kơ tơrơ ôh kơ 'bơ̆r lu bơngai wei triu ôr tơkĕch, sư kư̆m ưh kơ hli kơ jơwa jreo lu đe noh, kư̆m thoi noh mơ̆n, Kră Yang Tih Hloh, gô jur wă tơblah tơ kơpal Kông Siôn păng tơ kơpal lu groi.

Jôel 1:18

To, lu kon sem dơrong đĭ ôr hơrum dêh! To khŭl rơmo đĭ hơwơ̆l hơwang, yua kơ sư pă đei 'nhĕt sa boih! Lu khŭl triu kư̆m pơmat-tat.

Jôel 1:20

Tơpă, lu sem bri oei lăm tơmăn kư̆m krao ôr tơ Ih yua kơ đĭ-đăng thong đak đĭ hrơ̆, păng ŭnh sa lê̆ đĭ bơih lu 'nhĕt lăm tơmăn glă.

Jôel 2:22

Ơ lu kon sem brem lăm bri brah, 'nĕ pă hli, yua kơ 'nhĕt lăm bri noh bluh tơmơ̆ng boih, 'long đei plei, tơm 'long hơra đei plei păng tơm hơmu plei trem ngăl boih.

Am 3:4

Hăm trŏ dăm-brang ôr lăm bri, tơdah sư ưh kơ đei rôp sa sem kiơ? Dah dăm-brang ưh kơ đei rôp sa kiơ hăm trŏ sư ôr đơ̆ng lăm trôm anih sư.