Horiso 104:15 - Sơ̆p Hlabơar Nơ̆r 'Bok Kei-Dei

¹⁵ Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Horiso 104:15 ပူးပေါင်းရင်းမြစ်များ

Bl 18:5

Inh gô năm iŏk 'bĕng pôk ăn kơ iĕm sa wă kơ đei jơhngơ̆m na lu iĕm yak; yua kơ iĕm đei jur ngôi tơ hnam đĭch đam iĕm boih.” Lu sư noh khan: “Pơm bĕ thoi ih pơma.”

II Sam 13:28

Apsalôm pơkă kơ lu đĭch đam sư: “Athei kơchăng lăng kơplah Amnôn hiôk chơt wă suai kơ tơdrô, inh athei lu iĕm: Teh Amnôn, lu iĕm athei pơlôch sư hloi, ưh kơ hli kơ kiơ, noh đơ̆ng inh athei lu iĕm. Athei đei jơhngơ̆m đon mă nuih hŏ.”

Horiso 105:16

Sư ăn tơdrong pơngot rơwĕt lăm dêh char, Păng pơrăm lê̆ đĭ tơmam sŏng sa lu sư,

Horiso 23:5

Kră Yang hơmet ăn kơ inh gơ'bang sŏng sa. 'Bơ̆t anăp lu bơngai ayăt kơ inh; Kră Yang tuh đak rơmă tơ kơ̆l inh, kơchŏk inh 'bĕnh blai.

Horiso 92:10

Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Tơdrông Pơđơk 31:6

Ăn bĕ tơdrô et suai kơ bơngai wă jê̆ lôch, Ăn kơ lu bơngai ơh sơ'ngon dêh.

Tơdrông Pơđơk 31:7

Lê̆ lu sư et na hiơt kơ tơdrong dơnuh hoh lu sư. Huay pă wă 'blŏk tơdrong kơdih pơmat-tat.

Bôk Bơthô 10:19

Đe pơih et sa wă kơ chơt hiôk; et tơdrô pơthim ăn kơ chăl arih chơt; đei jên kăk gơh răt tôm tơdrong.

Bôk Bơthô 8:1

Bu kiơ̆ tam lu bơngai hơgei? Bu gơh tơblang dôm tơdrong dôm tơmam? Tơdrong hơgei pơm kơ măt kon bơngai hơdah hơdong, đêl muh măt ưh kơ praih, tơplih jing praih.

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Êsai 3:1

Âu, Kră Yang Kră Yang Tih Hloh, gô iŏk lê̆ tơdrong dŏng păng tơgŭm dôm tơmam kăl yua đơ̆ng pơlei Jêrusalem păng char Juđa, thoi kơ tơmam sa mă lu sư gơnang păng đak mă lu sư hơmĕng.

Êsai 55:10

Nhen đak 'mi păng prĕl jur đơ̆ng kơpal plĕnh, păng ưh kơ đei wih hơlơ̆k dơ̆ng, mă-lei pơm kơ teh hơyuh pơm kơ teh đei mơ̆r păng 'ba hơbo bluh chăt tơmơ̆ng đei găr adrĕch ăn kơ bơngai rei, đei tơmam sa ăn kơ bơngai sa,

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Êsêkiên 4:16

Sư khan kơ inh dơ̆ng: “Ơ kon bơngai, Inh gô pơhrŏ tơjur lê̆ 'bĕng sa lăm Jêrusalem, lu sư gô sa 'bĕng kiơ̆ kơ kŏng hơgăt lê̆ păng gô sa hăm tơdrong hli, lu sư gô nhă đak kư̆m hơgăt lê̆ păng nhă hăm tơdrong hli krê.

Êsêkiên 5:16

Layơ Inh prah 'brơ̆m tơdrong pơngot rơwĕt păng tơdrong lôch rŭng, wă prah pơrăm lu bơngai mă trŏ kơ pơlôch; Inh prah wă pơrăm ih, Inh gô pơthim tơdrong pơngot rơwĕt kơ ih păng gô pơrăm lê̆ trong tơmam sa ih.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.

Sa 10:7

Bơngai Êphraim gô thoi bơngai nuih pran kơtang, jơhngơ̆m lu sư chhôk hal thoi suai kơ et sik hơmu; kon sâu lu sư gô 'bôh păng chơt hiôk tơpă, jơhngơ̆m lu sư chơt hiôk lăm Kră Yang.

Markôs 14:23

Sư iŏk dơ̆ng minh pôm kơchŏk đak hơmu, krao khan bơnê kơ 'Bok Kei-Dei na ăn kơ lu sư. Klaih kơ noh đĭ-đăng kơ lu sư huch.

Luka 7:46

Ih kư̆m ưh kơ pik đak yâu tơ kơ̆l Inh wă pơhiôk Inh ôh, mă-lei sư âu tuh đak pơgang 'bâu phu tơ jơ̆ng Inh.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Both 28:40

Iĕm gô đei tơm 'long ôliwơ jơ̆p-jang kơ teh, mă-lei ưh kơ đei đak rơmă wă pik; yua kơ tơm 'long ôliwơ plei sư hơlŭng đĭ.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.

Hêbrơ 1:9

Ih lăp đon kơ tơdrong 'lơ̆ng areh kơ tơdrong kơnê̆. Yua kơ thoi noh na 'Bok Kei-Dei Kră Yang Ih, pôk Ih oei tơ tang-dŏ păng pik kơ Ih đak pơgang 'bâu phu, ăn kơ Ih hiôk hloh, tih hloh kơ lu bôl buăl Ih.”

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

Lu 19:5

Truh năr mă puăn lu sư iung đơ̆ng hrôih hơmet wă yak brŏk. Mă-lei 'bă drŏ-kăn noh khan kơ ŏng sư; Gô sŏng sa nhă đak 'mơ̆i na iĕm huay kơ pơngot, na măr iĕm yak.

Lu 9:13

Mă-lei tơm 'long hơmu tơl: Inh gô hŭt lê̆ đak sik băt 'ngam inh, noh sik mă ăn kơ lu Yang păng kon bơngai chơt hiôk na năm hơtŭt 'bơm wă pơgơ̆r lu 'long hă?

Lu 9:9

Mă-lei 'long ôliwơ tơl lu sư: Na Inh wă lê̆ kơ ăn đak rơmă mă Kră inh hă, mă yang hăm kon bơngai ư-ang, na năm chă hơtŭt 'bơm pơgơ̆r lu tơm 'long hă?