Horiso 104:14 - Sơ̆p Hlabơar Nơ̆r 'Bok Kei-Dei

¹⁴ Sư pơm ăn kơ 'nhĕt bluh ăn kơ lu sem brem. 'Long pơle wă yua kơ kon bơngai păng 'ba hơ'bo 'nhot sa chăt đơ̆ng teh.

Horiso 104:14 ပူးပေါင်းရင်းမြစ်များ

Bl 2:5

Kơplah noh tam mă đei 'long pơle chăt ôh tơ bri brah, kư̆m tam mă đei ôh minh tơnơm 'nhĕt 'nhot chăt lăm mir, chŭn, yua kơ Kră Yang 'Bok Kei-Dei tam mă ăn đak 'mi jur tơ teh păng kư̆m tam mă đei bu choh pơtăm mơ̆n.

Bl 2:9

Kră Yang 'Bok Kei-Dei ăn kơ teh chăt lu 'long 'lơ̆ng lăp măt păng plei sư sa 'ngam; lăm tŏk-bŏk pơgar ei kư̆m đei chăt minh tơnơm 'long tơdrong arih, kư̆m đei minh tơnơm 'long băt kơ tơdrong kơnê̆ păng băt kơ tơdrong 'lơ̆ng.

Bl 3:18

Teh gô chăt lu jơla păng 'long bơmrôm, păng ih gô sa tơmam chăt đơ̆ng lăm mir pơgar;

Bl 4:12

Mưh ih choh pơtăm, teh ưh pă pơjing tơmam sa kơ ih boih, ih gô thông mang huang jơ̆p kơ teh.”

Bl 9:3

Mă dôm kon sem brem đei tơdrong arih yak mơmŏ kơpal teh gô jing tơmam sa lu iĕm. Inh ăn dôm kon sem brem noh kư̆m thoi Inh ăn boih kơ lu 'bok yă iĕm sơ̆ sa hla 'nhot.

I Pot 18:5

Ahap khan kơ Ôbadia: “Ih athei chă năm tơ jơ̆p-jang dêh char păng tơ rim kơ tu thong đak, rŏ lăng bơ̆n chă oei 'bôh đei 'nhĕt wă kơ hiĕm aseh oei arih, wă kơ lu sem dơrong huay kơ lôch hiong.”

Jop 28:5

Hơnik hơnam chăt đơ̆ng teh. Mă-lei lăm ala teh đei tơplih nhen thoi đêl ŭnh oei sa tơdrŏ.

Jop 38:27

Wă ruh hơiuh kơ teh hrĕng kro. Pơm ăn kơ 'nhĕt chăt bluh?

Horiso 136:25

Sư kư̆m ăn tơmam sa kơ lu adrĕch sĕch akar. Tơdrong 'mêm Sư oei oei ling-lang.

Tơdrông Pơđơk 27:25

'Nhĕt kro hiong đĭ, 'nhĕt hơdrih bluh plơ̆ng, 'Nhĕt 'nhot lăm bri kông đe phĕ broch akŭm.

Jôel 2:22

Ơ lu kon sem brem lăm bri brah, 'nĕ pă hli, yua kơ 'nhĕt lăm bri noh bluh tơmơ̆ng boih, 'long đei plei, tơm 'long hơra đei plei păng tơm hơmu plei trem ngăl boih.

I Kor 3:7

Thoi noh bơ̆n ưh kơ gan kăl ôh kơ bơngai mă pơtăm păng pruih đak 'noh, bơ̆n kăl pôm 'Bok Kei-Dei đĕch ăn kơ tơmam noh gơh wơ̆ tih.

Both 11:15

Sư kư̆m gô pơm ăn kơ mir tơmăn đei 'nhĕt chăt ăn kơ sem dơrong iĕm; iĕm gô đei sŏng sa phĭ mah rơkah rơkai.