Horiso 103:7 - Sơ̆p Hlabơar Nơ̆r 'Bok Kei-Dei

⁷ Sư tơ'bôh ăn kơ Môis trong Sư, păng ăn kơ Isơrael băt dôm tơdrong mơsêh mơyang Sư.

Horiso 103:7 ပူးပေါင်းရင်းမြစ်များ

Ne 9:14

Ih tơbăt kơ lu sư năr Sa'bat năr 'lơ̆ng rơgoh đơ̆ng Ih, yua Môis đĭch đam Ih, bơtho kơ lu sư dôm tơdrong tơtă tơdrong rơgoh 'lơ̆ng păng khôi juăt.

Horiso 106:22

Đei pơm lơ tơdrong hlĭch chrơp tơ dêh Cham păng lu tơdrong trŏ kơ hli tơ đak dơsĭ 'brê.

Horiso 111:6

Sư đei tơ'bôh boih kơ kon pơlei Sư, tơdrong jang mơsêh pran kơtang Sư. Jao ăn kơ lu sư teh jang sa tơ dêh char đe.

Horiso 147:19

Sư roi tơbăt nơ̆r Sư kơ adrĕch Jakôp, Khôi juăt păng nơ̆r tơtă Sư kơ adrĕch Isơrael.

Horiso 77:20

Ih yua ti Môis păng Arôn chông anhăk kon pơlei pơla Ih thoi khŭl triu.

Horiso 78:11

Hiơt đĭ dôm tơdrong jang Kră Yang mă đei pơm. Păng tơdrong hlĭch chrơp mă Kră Yang đei tơ'bôh ăn kơ lu sư.

Horiso 78:5

Sư đei ăn boih nơ̆r tơtă? Jakôp. Sư ăn lê̆ khôi juăt lăm Isơrael. Noh sư pơkă boih kơ 'bok bơ̆n wă kơ bơtho khôi juăt kơ lu kon sâu sư.

Horiso 99:7

Đơ̆ng lăm jrăng hơmơ̆l Sư pơma hăm lu sư: Lu sư bơwei tơdrong Kră Yang bơtho; Păng tơdrong juăt mă Sư đei ăn.

Le 19:20

Kră Yang jur kơpal kơ̆l kông Sinai, Krao Môis tŏk tơ kông Môis tŏk hloi.

Le 19:8

Đĭ-đăng kon pơlei minh jơhngơ̆m tơl khan: Lu nhôn gô pơm kiơ̆ dôm tơdrong Kră Yang pơkă, Môis roi hloi kơ Kră Yang kiơ̆ thoi nơ̆r kon pơlei pơma.

Le 20:21

Na kon pơlei dơ̆ng đơ̆ng ataih, Môis năm jê̆ hơmơ̆l hơ'bơ̆l mă Kră Yang 'Bok Kei-Dei oei lăm noh.

Le 33:13

Thoi noh dang ei inh krao apinh Ih, tơdah inh đei bơih pŭn hiôk 'bơ̆t anăp Ih, lei inh apinh Ih tơ'bôh ăn kơ inh bĕ trong Ih, wă kơ inh băt kơnăl kơ Ih păng inh đei tơdrong mơnat 'bơ̆t anăp Ih, apinh Ih kư̆m 'blŏk kơ lu adrĕch adrung âu kon pơlei pơla Ih mơ̆n!

Jo 12:7

Đĭch đam Inh Môis ưh kơ trŏ thoi noh ôh, sư bơngai tơpăt tơnăp dêh lăm hnam Inh.

Both 34:10

Đơ̆ng năr noh, lăm lu bơngai Isơrael ưh kơ đei bơngai bu khan lê̆ adrol nhen thoi Môis, mă Kră Yang băt juăt kơ tơ'bơ̆p pơma dơnuh,