Horiso 103:22 - Sơ̆p Hlabơar Nơ̆r 'Bok Kei-Dei

²² Hơri bơnê bĕ kơ Kră Yang! Ơ dôm lu sem tơmam mă Kră Yang pơjing, Lăm jơ̆p anih teh đak Sư, Ơ bơhngol inh, hơri bơnê bĕ kơ Kră Yang!

Horiso 103:22 ပူးပေါင်းရင်းမြစ်များ

Horiso 103:1

Ơ bơhngol inh, hơri bơnê bĕ kơ Kră Yang! Đĭ jơhngơ̆m hơri bơnê bĕ kơ anăn 'lơ̆ng rơgoh Sư!

Horiso 104:1

Ơ bơhngol inh hơri bơnê bĕ kơ Kră Yang! Ơ Kră Yang 'Bok Kei-Dei inh. Ih Tih tơpă. Ih hrŭk boih tơdrong ư-ang păng krưp rŏ tơpă!

Horiso 104:35

Ăn kơ lu bơngai yoch lôch hiong đĭ đơ̆ng teh đak. Păng lu bơngai pơm kơnê̆ pă đei dơ̆ng, Ơ bơhngol inh hơri bơnê bĕ kơ Kră Yang: Halêluya!

Horiso 145:10

Ơ Kră Yang, lu tơmam đêl Ih pơjing gô bơnê ư-ang kơ Ih; Dôm lu bơngai rơgoh gô hơri bơnê kơ Ih.

Horiso 145:21

'Bơ̆r inh gô hơri bơnê ư-ang kơ Kră Yang; Ăn kơ đĭ lu adrĕch sĕch akar kơkuh kơ anăn 'lơ̆ng rơgoh Sư, dĭng truh tơ ning-mônh hlŏng hloi.

Horiso 146:1

Halêluya! Ơ bơhngol inh hơri ư-ang bĕ kơ Kră Yang.

Horiso 148:1

Halêluya! Đơ̆ng jơ̆p-jang kơpal plĕnh hơri ư-ang bĕ kơ Kră Yang! Hơri ư-ang bĕ kơ Sư lăm anih kơpal hloh!

Horiso 150:6

Ăn kơ đĭ lu kon sem brem mă dui jơhngơ̆m,a ư-ang bĕ kơ Kră Yang. Halêluya!

Êsai 43:20

Lu sem bri, kŏ bri păng sem diydui gô kơkuh ư-ang kơ Inh. Yua kơ Inh ăn đak ro lăm char glă, păng pơm lu tu glung đak tơ char glă, wă kơ kon pơlei mă inh rơih iŏk bơih lu sư đei đak nhă.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.