Horiso 103:19 - Sơ̆p Hlabơar Nơ̆r 'Bok Kei-Dei

¹⁹ Kră Yang pơjing boih anih pơtao Sư tơ plĕnh. Dêh char Sư pơgơ̆r kơ đĭ-đăng tôm tơmam.

Horiso 103:19 ပူးပေါင်းရင်းမြစ်များ

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

I Ho 29:12

Tơdrong mơdrŏng mơng, păng tơdrong pơyom lĕch đơ̆ng Ih ngăl, Ih boih wei-lăng đĭ-đăng; tơdrong mơsêh mơyang pran kơtang lăm ti Ih; Ih pơm ăn đei tơdrong pơyom păng ăn jơhngơ̆m pran kơ rim 'nu bơngai.

Horiso 11:4

Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai,

Horiso 115:3

Kră Yang 'Bok Kei-Dei lu bơ̆n tơ kơpal plĕnh ti, Sư pơm tơdrong kiơ mơ̆ng kơ Sư wă.

Horiso 2:4

Kră Yang đơ̆ng plĕnh gô hiĕk, Kră Yang gô pơjăm lu sư.

Horiso 47:2

Yua kơ Kră Yang Tih Hloh, a trŏ kơ hli yom. Sư jơ̆ pơtao Tih Hloh kơpal teh đak âu.

Horiso 9:7

Mă-lei Kră Yang pơtao pơgơ̆r ling-lang; Kră Yang sư hơmet boih tang-dŏ pơtao Sư wă sek tơlang

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Hêbrơ 8:1

Dôm tơdrong inh pơma kơ iĕm dang ei, tơdrong âu kăl tơpă, thoi inh roi kơ iĕm tơ kơpal noh hei: Bơ̆n đei minh 'nu 'bok soi tih, Sư oei gah 'ma kơ 'Bok Kei-Dei tơ plĕnh ti.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.