Horiso 103:1 - Sơ̆p Hlabơar Nơ̆r 'Bok Kei-Dei

¹ Ơ bơhngol inh, hơri bơnê bĕ kơ Kră Yang! Đĭ jơhngơ̆m hơri bơnê bĕ kơ anăn 'lơ̆ng rơgoh Sư!

Horiso 103:1 ပူးပေါင်းရင်းမြစ်များ

Horiso 103:22

Hơri bơnê bĕ kơ Kră Yang! Ơ dôm lu sem tơmam mă Kră Yang pơjing, Lăm jơ̆p anih teh đak Sư, Ơ bơhngol inh, hơri bơnê bĕ kơ Kră Yang!

Horiso 104:1

Ơ bơhngol inh hơri bơnê bĕ kơ Kră Yang! Ơ Kră Yang 'Bok Kei-Dei inh. Ih Tih tơpă. Ih hrŭk boih tơdrong ư-ang păng krưp rŏ tơpă!

Horiso 111:1

Halêluya! Inh hơri bơnê kơ Kră Yang hăm đĭ jơhngơ̆m. Lăm năr lu bơngai 'lơ̆ng tơpăt akŭm tih.

Horiso 138:1

Inh hơri bơnê kơ Ih hăm đĭ jơhngơ̆m. Hơri bơnê kơ Ih 'bơ̆t anăp lu yang.

Horiso 145:1

Ơ Kră Yang 'Bok Kei-Dei inh, pơtao inh. Inh gô pôk ư-ang kơ Ih. Păng hơri bơnê kơ anăn Ih ling-lang hlŏng hloi.

Horiso 47:7

Yua kơ Kră Yang 'Bok Kei-Dei jơ̆ pơtao đĭ kơ plĕnh teh. Hơri bơnê jô̆c pơđơ̆k pôk kơ sư bĕ.

Horiso 63:5

Bơhngol inh phĭ thoi lĕ sa 'ngăl păng rơmă. 'Bơ̆r inh gô ư-ang hăm hơkŭng hơri bơnê kơ Ih.

Horiso 99:3

Ăn kơ lu sư hơri kơkuh kơ anăn Ih mă tih hloh trŏ kơ hli; Sư boih 'lơ̆ng rơgoh;

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Yo 4:24

'Bok Kei-Dei Sư Yang tơpă na lu bơngai mă kơkuh kơ Sư athei kơkuh mă tơpă hăm đĭ jơhngơ̆m đon sư.”

I Kor 14:15

Bơ̆n tơchĕng thoi yơ wă kơ trŏ lei? Inh wă kơ bơ̆n krao khan pơhiôk lăm jơhngơ̆m kơdih păng inh wă kơ bơ̆n krao khan gơh hlôh wao tơdrong bơ̆n krao khan. Inh wă kơ bơ̆n hơri bơnê kơ 'Bok Kei-Dei pơhiôk lăm jơhngơ̆m kơdih păng inh wă kơ bơ̆n hơri kư̆m hlôh tơdrong bơ̆n hơri mơ̆n.

Philip 1:9

Inh krao khan apinh 'Bok Kei-Dei ăn kơ iĕm rai đunh rai băt 'mêm mơnat dih băl păng hlôh tôm tơdrong Sư, wă kơ iĕm băt kơ tơdrong trŏ iĕm sŏ iŏk, tơdrong glăi iĕm săi tŭk. Thoi noh na iĕm jing bơngai 'lơ̆ng tơpăt, huay kơ đei tơdrong yoch kơplah Yêsu Krist jur ning-mônh.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”