Horiso 102:20 - Sơ̆p Hlabơar Nơ̆r 'Bok Kei-Dei

²⁰ Wă kơtơ̆ng nơ̆r đơ̆ng lu bơnă ôr krao. Păng dŏng pơklaih bơngai mă đe wă pơlôch;

Horiso 102:20 ပူးပေါင်းရင်းမြစ်များ

II Pot 13:4

Jêhôahas krao apinh Kră Yang na Kră Yang mơ̆ng nơ̆r sư; yua kơ Kră Yang 'bôh pơtao đe Aram pơgŏ pơđep kon Pơlei Isơrael dêh.

Jop 24:12

Đơ̆ng lăm pơlei đei nơ̆r bơngai wă lôch ôr tơngưih Lu bơngai rơka ôr hơpơi krao dŏng. Mă-lei Kră Yang 'Bok Kei-Dei ưh kơ jô̆ noh tơdrong yoch lu bơngai pơm kơnê̆.

Horiso 146:7

Sek tơlang tơpăt, kơ lu bơngai mă đe pơjăm pơjuă; Păng ăn tơmam sa kơ lu bơngai pơngot. Kră Yang pơklaih rơngei bơngai đe phak;

Horiso 79:11

Ăn kơ tơdrong lu bơngai bơnă krao ôr tơtok truh tơ Ih; Kiơ̆ kơ tơdrong mơsêh tih Ih apinh Ih tơgŭm pơklaih bĕ lu bơngai mă đe wă pơlôch.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Êsai 14:17

Pơm kơ lu dêh char jing teh glă, pơrăm lê̆ lu plei tih, păng ưh kơ tơlĕch lu bơngai pơm bơnă brŏk tơ hnam sư kơdih?”

Both 26:15

Apơi kơ Kră Yang đơ̆ng anih 'lơ̆ng rơgoh Ih tơ kơpal plĕnh ti, nger lăng păng ăn tơdrong pŭn hiôk kơ lu bơngai Isơrael, Ih hăm teh đak mă Ih ăn boih kơ lu nhôn kư̆m thoi đei pơkă boih hăm 'bok yă lu nhôn sơ̆, wă khan dêh thoi đak toh thoi đak sut 'nâu.