Hêbrơ 9:27 - Sơ̆p Hlabơar Nơ̆r 'Bok Kei-Dei

²⁷ Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.

Hêbrơ 9:27 ပူးပေါင်းရင်းမြစ်များ

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.

Jop 14:5

Khei 'năr kon bơngai arih Kră Yang đĭ hơgăt lê̆ bơih. Kră Yang băt đĭ kơsô̆ khei 'năr sư arih Kră Yang hơgăt lê̆ bơih năr tôch sư, lei sư ưh kơ gơh arih hloh kơ năr noh.

Jop 19:25

Mă-lei inh băt sĭt Tơ'ngla Dŏng Pơklaih inh oei arih, Sư gô iung dơ̆ng lăm năr tôch kơnh wă pơma dŏng inh kơpal teh.

Jop 30:23

Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.

Horiso 89:48

Bu gơh arih hloi mă ưh kơ đei lôch? Bu gơh dŏng pơklaih bơhngol sư kơdih dơ̆ng dêh atâu pơgơ̆r.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 12:14

Yua kơ Kră Yang 'Bok Kei-Dei gô sek tơlang kiơ̆ kơ tơdrong đêl bơ̆n pơm, pơm 'lơ̆ng dah pơm kơnê̆, mă khan tơdrong kiơ hlơp, sư kư̆m sek tơlang mơ̆n. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Bôk Bơthô 3:2

Đei năr tơpŭ, đei khei năr lôch; Đei năr pơtăm, đei khei năr kĕch yuă;

Bôk Bơthô 3:20

Pơđĭ kơ bre sư gô brŏk tơ minh anih, đĭ kơ bre sư jing đơ̆ng 'mui teh, đĭ kơ bre sư kư̆m gô brŏk tơ 'mui teh.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Bôk Bơthô 9:5

Bơngai arih sư băt kơdih sư gô lôch; mă-lei bơngai lôch ưh pă băt kiơ boih, kư̆m ưh kơ đei tơmam apah bơnê kiơ mơ̆n, yua kơ đe gô hiơt ưh pă đei bu 'blŏk kơ lu sư dơ̆ng.

Luka 20:32

Tơpo hơtuch akăn lu sư noh kư̆m lôch kiơ̆ lu sư mơ̆n.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Rom 5:12

Yua kơ minh 'nu bơngai đĕch, đĭ-đăng bơngai jing yoch. Yua kơ đơ̆ng sư pơm yoch na sư lôch. Thoi noh đĭ-đăng kon bơngai gô lôch ngăl yua kơ đĭ-đăng kon bơngai pơm yoch ngăl boih.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.

Hêbrơ 10:27

pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

Hêbrơ 6:2

tơdrong iŏk 'batem, tơdrong krao khan pel kơ̆l wă kơ đei Yang Bơhngol 'Lơ̆ng jur oei, tơdrong kon bơngai iung arih đơ̆ng lôch, tơdrong 'Bok Kei-Dei sek tơlang ning-mônh wă phak ling-lang dôm lu bơngai mă kuă kơ lui kơ Sư. Dôm tơdrong noh bơ̆n ưh kơ kăl kơ pơhrăm dơ̆ng boih, yua kơ lu bơ̆n đêl pơhrăm ngăl boih.

I Yo 4:17

'Bok Kei-Dei wă kơ bơ̆n 'mêm kơ Sư tơpă wă kơ bơ̆n huay kơ hli kơplah năr Sư wă sek tơlang ning-mônh. Bơ̆n ưh kơ hli kơlih kơ bơ̆n oei arih tơ ala teh âu dang ei kư̆m lei-lăi thoi Yêsu arih mơ̆n.

Ju 1:15

wă sek tơlang đĭ-đăng bơngai păng phak dôm lu bơngai pơm kơnê̆, yua kơ dôm tơdrong kơnê̆ noh lu sư đêl pơm tơpă. Păng Sư wă phak lu bơngai yoch pơma kơnê̆ kơ Sư.”

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.