Hêbrơ 9:24 - Sơ̆p Hlabơar Nơ̆r 'Bok Kei-Dei

²⁴ Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

Hêbrơ 9:24 ပူးပေါင်းရင်းမြစ်များ

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Le 28:12

Klaih kơ noh tah 'bar tŏ tơmo gĭt tơ tơlei 'băk tơ hơngiĕng wă pơm 'blŏk hơdơ̆r kơ kon drŏ-nglo Isơrael; Arôn gô 'băk anăn lu sư tơ 'bar pah hơngiĕng sư wă kơ 'blŏk 'bơ̆t anăp Kră Yang.

Le 28:29

Kơplah Arôn mơ̆t tơ anih rơgoh, sư 'băk ba lu anăn kon drŏ-nglo Isơrael, mă anăn đei chrek tơ tơmo tah lăm bơnal 'băk tơ kơtơh gah tơdrong sek tơlang, wă kơ 'blŏk hơdơ̆r ling-lang 'bơ̆t anăp Kră Yang.

Sa 3:1

Đơ̆ng noh, Kră Yang ăn kơ inh 'bôh 'bok soi tơm Jôsua oei dơ̆ng 'bơ̆t anăp linh jang Kră Yang păng Satana oei gah 'ma kơ sư wă kêng sư.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Markôs 14:58

“Nhôn kơtơ̆ng Sư khan wă yuih hnam akŭm 'Bok Kei-Dei tơm đêl đe pơm păng ti, na Sư gô pơm ming plơ̆ng dơ̆ng kơtĕch pêng năr keh hloi, mă-lei ưh kơ pơm păng ti.”

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

Luka 24:51

Na kơplah Sư oei krao khan kơ 'Bok Kei-Dei, na 'Bok Kei-Dei atŏk Sư tơ plĕnh achăng lê̆ lu sư.

Yo 16:28

Inh jur đơ̆ng 'Bă Inh 'Bok Kei-Dei tơpă oei hơdai iĕm tơ ala teh âu. Dang ei Inh jăk đơ̆ng ala teh âu brŏk tơ 'Bă Inh dơ̆ng.”

Yo 6:62

Tơdah iĕm ơh kơ tơdrong Inh bơtho 'noh hei, lei iĕm gô 'bôh Inh Kon Bơngai, na Inh wih tŏk tơ anih Inh mă oei kơpal plĕnh ti sơ̆, na iĕm tơchĕng liơ dơ̆ng đơ̆ng noh?

Jang 3:21

Dang ei Yêsu oei tơ plĕnh truh tơ năr tôch kơnh. Sư wă jur tơ teh dơ̆ng na Sư gô pơm ming tôm tơdrong 'nao 'lơ̆ng dơ̆ng, kư̆m thoi 'Bok Kei-Dei ăn lu bơngai khan lê̆ hơdrol sơ̆.

Rom 8:33

Bơ̆n tơ'ngla 'Bok Kei-Dei rơih iŏk jô̆ bơ̆n jing bơngai 'lơ̆ng hăm Sư boih, thoi yơ đe gơh jô̆ kơ bơ̆n bơngai yoch hăm 'Bok Kei-Dei?

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Kôlôsê 3:2

Iĕm athei tơchĕng ling-lang gah tơdrong tơ kơpal plĕnh ti, 'nĕ pă tơchĕng kơ tơdrong tơ ala teh âu,

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Hêbrơ 6:20

Yêsu tŏk tơ noh hơdrol kơ bơ̆n, Sư oei 'bơ̆t anăp 'Bok Kei-Dei, thoi 'bok soi tih juăt kơ mơ̆t tơ lăm hnam akŭm anih giĕng soi tih mă 'Bok Kei-Dei oei. Sư tŏk tơ noh wă hơmet trong kơ bơ̆n, wă kơ bơ̆n gơh tŏk kiơ̆ Sư, yua kơ Sư pơm 'bok soi tih ling-lang kiơ̆ kơ Sư adrĕch tih Mêlkisêdek sơ̆.

Hêbrơ 8:2

Sư jang tơ lăm hnam 'Bok Kei-Dei tơ plĕnh ti, tơ lăm anih mă 'Bok Kei-Dei oei hloi. Hnam noh 'Bok Kei-Dei pơjing 'lơ̆ng tơpă, 'lơ̆ng hloh kơ hnam 'Bok Kei-Dei mă kon bơngai pơm tơ teh âu.

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

Hêbrơ 9:1

Tơdrong pơgơ̆p hơdrol sơ̆, đei tơdrong juăt pơkă gah tơdrong kơkuh kơ 'Bok Kei-Dei, đei hnam kơkuh kơ 'Bok Kei-Dei, mă kon bơngai pơm.

Hêbrơ 9:23

Dôm tơdrong rơgoh noh sơ̆, rơgoh yua kơ đe soi kơ 'Bok Kei-Dei hăm pham sem. Dôm tơdrong rơgoh noh, wă pơtih gia kơ tơdrong tơ plĕnh ti. Tơdrong tơ plĕnh ti kăl hloh. Na lu bơ̆n bơngai wă tŏk tơ plĕnh ti, wă gơnang kơ pham sem thoi lu bơngai noh sơ̆, ưh kơ gơh klaih đơ̆ng tơdrong yoch ôh. Bơ̆n athei gơnang kơ pham tơ'ngla mă soi kơ 'Bok Kei-Dei hăm pham Sư kơdih noh đĕch klaih.

Hêbrơ 9:9

Tơdrong noh Sư tơbăt ăn kơ lu bơ̆n dang ei ưh pă giĕng năm 'bơ̆t anăp 'Bok Kei-Dei boih. Kiơ̆ kơ tơdrong so noh sơ̆, lu 'bok soi, lu sư đei tơmam đe pơyơ̆r wă soi kơ 'Bok Kei-Dei. Mă-lei tơdrong lu sư soi noh ưh kơ pơm kơ lu bơngai mă kơkuh kơ 'Bok Kei-Dei 'lơ̆ng tơpăt hăm 'Bok Kei-Dei ôh.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

Tơdrông Tơ'bôh 8:3

Đei minh 'nu linh jang nai dơ̆ng, sư dơ̆ng 'bơ̆t anăp chơnang soi, sư chĕp minh pôm kơlăm maih păng đe ăn kơ sư minh achô̆ ŭnh nhang wă soh kơplah đĭ-đăng bơngai lui oei krao khan, wă kơ 'bâu phu. Na sư pơyơ̆r ŭnh nhang noh kơ 'Bok Kei-Dei 'măn 'bơ̆t chơnang soi tơklă tang-dŏ 'Bok Kei-Dei.