Hêbrơ 9:19 - Sơ̆p Hlabơar Nơ̆r 'Bok Kei-Dei

¹⁹ Kơplah Môis pơkă ăn kơ lu bơngai Isơrael tôm kơ tơdrong juăt boih, na sư phĕ iŏk tơ'mơ̆ng pơkao păng iŏk achô̆ sŏk bơbe, tong tơ lăm pham bơbe pham rơmo bơlŭ păng đak 'blăng na chruih kơ tơmo lat chih tơdrong juăt 'Bok Kei-Dei, klaih kơ noh sư tơtreh kơ lu bơngai Isơrael.

Hêbrơ 9:19 ပူးပေါင်းရင်းမြစ်များ

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Le 12:22

Na athei iŏk minh hơchô̆ hla bơngăl, djrŭ lăm pham đe mong lăm kơthao, na pik tơ jrăng 'bar pah 'măng hnam păng jrăng găn kơpơ̆ng, na lăm lu iĕm 'nĕ ăn bơngai bu lĕch tơ 'nguaih kơ 'măng hnam truh tơ pơgê dơning.

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 3:6

Tơdah tơmam sư pơyơ̆r wă 'blŏk bơnê kơ Kră Yang hăm triu tơno dah akăn athei rơih triu 'lơ̆ng huay kơ đei jĭ kiơ ôh.

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Jo 19:6

'Bok soi gô iŏk 'long hơngo, iŏk minh hơchô̆ 'long pơgang păng brai 'brê, iŏk klơ̆m lăm ŭnh oei soh rŭk 'buh rơmo adruh noh.

Mathiơ 27:28

Lu linh ei plôh ao Yêsu, na pơhrŭk ăn kơ Sư ao tai 'brê pơm thoi pơtao.

Markôs 15:17

Lu linh ei pơhrŭk kơ sư ao tai 'brê pơm thoi pơtao păng lu sư iŏk tơlei jơla chuă pơm agăl na pơyơ̆l tơ kơ̆l Yêsu.

Markôs 15:20

Lu sư che bơle đang boih na plôh ao tai 'brê noh, pơhrŭk ăn ao Sư kơdih dơ̆ng. Đơ̆ng noh lu linh anhăk Yêsu năm pơ̆ng pơlôch tơ 'long pơglang.

Yo 19:2

Lu linh gơ̆ jơla, pơm tơlei agăl pơyơ̆l kơ kơ̆l Yêsu, pơhrŭk ăn kơ Sư ao tai 'brê pơm thoi pơtao.

Yo 19:5

Klaih kơ noh na Yêsu lĕch. Sư yơ̆l tơlei agăl jơla păng hrŭk ao tai 'brê. Pilat khan: “Iĕm lăng bĕ bơngai 'nâu.”

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 10:4

yua kơ lu sư gơnang kơ soi hăm pham rơmo pham bơbe khan klaih kơ tơdrong yoch. Thoi yơ pham rơmo pham bơbe gơh pơklaih tơdrong yoch? Pham noh ưh kơ gơh pơklaih minh tơdrong kiơ.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.

Hêbrơ 9:13

Tơdrong yoch pel 'bơm ưh kơ lăp, kiơ̆ kơ tơdrong juăt so sơ̆, athei pơ'lơ̆ng hăm pham bơbe pham rơmo tơno păng iŏk hơyok kon rơmo adruh đêl đe 'buh pơkhoy tuh bơlŭ hăm đak, na sraih lu bơngai mă đei tơdrong yoch noh na klaih, jô̆ jing bơngai rơgoh boih.

Hêbrơ 9:18

Tơdrong pơgơ̆p so kư̆m lei-lăi, đei pham 'mơ̆i na gơh pơjing tơdrong pơgơ̆p noh.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.