Hêbrơ 9:13 - Sơ̆p Hlabơar Nơ̆r 'Bok Kei-Dei

¹³ Tơdrong yoch pel 'bơm ưh kơ lăp, kiơ̆ kơ tơdrong juăt so sơ̆, athei pơ'lơ̆ng hăm pham bơbe pham rơmo tơno păng iŏk hơyok kon rơmo adruh đêl đe 'buh pơkhoy tuh bơlŭ hăm đak, na sraih lu bơngai mă đei tơdrong yoch noh na klaih, jô̆ jing bơngai rơgoh boih.

Hêbrơ 9:13 ပူးပေါင်းရင်းမြစ်များ

II Ho 30:19

“Hơpơi apinh Kră Yang Tơ'ngla dim, 'nĕ kơ jô̆ yo kơ lu bơngai mă đĭ jơhngơ̆m chă Kră Yang 'Bok Kei-Dei lu 'bok sư, mă khan lu sư tam kiơ̆ hơmet akâu kơdih rơgoh kiơ̆ thoi tơdrong juăt hnam akŭm rơgoh.”

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 44:26

Đơ̆ng rŏng kơ ôp hơrao rơgoh, 'bok soi athei gô lăm tơpơh năr dơ̆ng.

Jo 8:7

'Nâu boih tơdrong ih athei pơm ăn kơ lu sư rơgoh; iŏk đak rơgoh tơtreh tơ kơpal akâu lu sư wă kơ rơgoh; lu sư athei hơkôih sŏk sop jơ̆p kơ akâu lu sư, pih hơbĕn ao păng hum hơmet akâu kơdih rơgoh.

Jang 15:9

'Bok Kei-Dei 'mêm mơnat kơ bơ̆n păng lu bơngai tơmoi lei-lăi đĕch. Sư pơklaih tơdrong yoch lu sư yua kơ lu sư lui kơ Yêsu.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

Hêbrơ 10:4

yua kơ lu sư gơnang kơ soi hăm pham rơmo pham bơbe khan klaih kơ tơdrong yoch. Thoi yơ pham rơmo pham bơbe gơh pơklaih tơdrong yoch? Pham noh ưh kơ gơh pơklaih minh tơdrong kiơ.

Hêbrơ 9:19

Kơplah Môis pơkă ăn kơ lu bơngai Isơrael tôm kơ tơdrong juăt boih, na sư phĕ iŏk tơ'mơ̆ng pơkao păng iŏk achô̆ sŏk bơbe, tong tơ lăm pham bơbe pham rơmo bơlŭ păng đak 'blăng na chruih kơ tơmo lat chih tơdrong juăt 'Bok Kei-Dei, klaih kơ noh sư tơtreh kơ lu bơngai Isơrael.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.