Hêbrơ 8:7 - Sơ̆p Hlabơar Nơ̆r 'Bok Kei-Dei

⁷ Tơ̆ng tơdrong pơgơ̆p so pơyua kon bơngai tơpă, lei ưh kơ kăl kơ pơjing tơdrong pơgơ̆p 'nao ôh.

Hêbrơ 8:7 ပူးပေါင်းရင်းမြစ်များ

Galati 3:21

Mă 'Bok Kei-Dei pơkă tơdrong juăt Sư đơ̆ng rŏng noh sơ̆, Sư ưh kơ đei wă achăng lê̆ tơdrong Sư pơkă mă hơdrol khan wă tơgŭm bơ̆n ôh. Sơ̆ dah 'Bok Kei-Dei wă pơkă ăn kơ bơ̆n tơdrong juăt plơ̆ng nai, na bơ̆n kiơ̆ tơdrong juăt noh pran kơtang gơh kĕ pơm kiơ̆ tôm tơdrong 'blep trŏ thoi Sư wă, lei 'Bok Kei-Dei kư̆m jô̆ bơ̆n bơngai 'lơ̆ng tơpăt mơ̆n. Mă-lei sơ̆ 'Bok Kei-Dei ưh kơ ăn bơ̆n pơm kiơ̆ thoi noh ôh.

Both 29:14

Kră Yang krao lu iĕm wă kơ lu iĕm pơkă wă pơm kiơ̆ dôm tơdrong pơgơ̆p mă Kră Yang đei pơm, ưh kơ sĭ lu bơ̆n đĕch ôh wă khan ưh kơ lăp dôm lu bơ̆n dơ̆ng tơ âu 'bơ̆t anăp Kră Yang 'Bok Kei-Dei lu bơ̆n đĕch ôh.

Hêbrơ 7:11

Lu 'bok soi kon sâu 'bok Lêwi hăm 'bok Arôn pơgơ̆r gah tơdrong juăt 'Bok Kei-Dei pơkă kơ lu bơngai Isơrael. Tơ̆ng kon bơngai gơnang kơ lu sư, na gơh jing 'lơ̆ng tơpăt hăm 'Bok Kei-Dei, lei kon bơngai ưh pă kăl boih kơ 'bok soi tih adrĕch Mêlkisêdek jur pơgơ̆r. Dôm lu sư jang mah boih.

Hêbrơ 7:18

Thoi noh na tơdrong juăt Môis noh sơ̆, 'Bok Kei-Dei tŭk lê̆ boih, yua kơ tơdrong juăt noh ưh kơ pơyua kon bơngai.

Hêbrơ 8:6

Mă-lei 'Bok Kei-Dei ăn kơ Yêsu đei tơdrong jang tih hloh kơ tơdrong jang lu 'bok soi noh. Rai pơthim dơ̆ng kơ Sư pơm 'long sơlam pơgơ̆p kon bơngai kơ 'Bok Kei-Dei. Tơdrong pơgơ̆p noh 'lơ̆ng hloh kơ tơdrong pơgơ̆p so, yua kơ Sư pơkă wă tơgŭm bơ̆n dang ei 'lơ̆ng hloh.