Hêbrơ 7:27 - Sơ̆p Hlabơar Nơ̆r 'Bok Kei-Dei

²⁷ Lu 'bok soi nai, rim năr lu sư soi kơ 'Bok Kei-Dei. Lu sư soi pơ'lơ̆ng gah tơdrong yoch lu sư kơdih 'mơ̆i, na soi kơ lu kon pơlei pơla. Mă-lei gah Yêsu ưh ôh, Sư soi akâu Sư kơ 'Bok Kei-Dei minh 'măng tơ 'long pơglang tôm boih.

Hêbrơ 7:27 ပူးပေါင်းရင်းမြစ်များ

Êsêkiên 43:19

Kră Yang khan: Pơjao bĕ kơ 'bok soi adrĕch Lêwi lăm, adrĕch Sađôk noh, lu bơngai gô năm jê̆ wă bơ̆jang kơ Inh, minh pôm rơmo dăm bek wă pơm tơmam soi huai đơ̆ng yoch.

Lêwi 16:11

Arôn pơyơ̆r rơmo dăm, pơm tơmam soi huai đơ̆ng yoch, sư pơlôch rơmo noh soi sơmah wă kơ goh đơ̆ng yoch sư kơdih păng hnam dơnŏ sư.

Lêwi 16:15

Đơ̆ng noh sư gô pơlôch bơbe tơno pơm tơmam soi yua huai đơ̆ng yoch kon pơlei pơla; sư chĕp ba pham bơbe noh tơ lăm che pĕng, kư̆m thoi yua pham rơmo dăm mơ̆n, tơtraih tơ kơpal tơnglơ̆p tơdrong mơnat ăn păng tơ anăp tơ'bơ̆p mơnat ăn.

Lêwi 16:6

Arôn gô pơyơ̆r rơmo dăm pơm tơmam soi huai đơ̆ng yoch sư kơdih, sư gô soi sơmah wă kơ rơgoh đơ̆ng yoch sư păng hnam dơnŏ sư.

Rom 6:10

Yêsu lôch sơ̆ Sư hŭt đĭ dôm tơdrong yoch bơ̆n hloi; dang ei Sư arih, Sư jang tơdrong 'Bok Kei-Dei.

Êphêsô 2:22

Lu iĕm kư̆m dang 'long hnam pơ̆ng pơlăp tơ jrăng mum noh mơ̆n. Đĭ-đăng kơ iĕm hăm lu 'nhŏng oh lu bơngai lui nai dang pơm keh minh pôm hnam 'Bok Kei-Dei ăn kơ Yang Bơhngol 'Lơ̆ng oei.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 5:1

Rim 'nu lu 'bok soi tih 'Bok Kei-Dei rơih iŏk sư đơ̆ng khŭl kon bơngai wă jang tang lu bôl sư lơ̆m tơdrong soi sơmah kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch lu bôl sư.

Hêbrơ 5:3

Ưh kơ sĭ lu sư pơyơ̆r tơmam soi yua kơ tơdrong yoch lu bôl buăl đĕch ôh, lu sư pơyơ̆r tơmam soi yua kơ tơdrong yoch lu sư kơdih hai.

Hêbrơ 8:4

Tơ̆ng Yêsu oei tơ teh, đe ưh kơ ăn Sư pơm 'bok soi ôh, kơlih kơ Sư adrĕch adrung kon sâu bơngai nai, ưh kơ trŏ kơ adrĕch adrung lu bơngai noh. Lu bơngai noh lu sư adrĕch adrung 'bok Lêwi, lu sư soi kiơ̆ kơ tơdrong juăt 'Bok Kei-Dei pơkă sơ̆.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Hêbrơ 9:25

Ưh kơ sĭ Sư soi hăm pham sem dơrong ôh, Sư soi hăm pham Sư kơdih hloi. Mă-lei ưh kơ sĭ soi akâu Sư kơ 'Bok Kei-Dei ling-lang thoi 'bok soi tih sơ̆ ôh, mơ̆t soi kơ 'Bok Kei-Dei ling-lang, rim sơnăm minh 'măng, tơ anih giĕng tih hăm pham sem dơrong.

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

Hêbrơ 9:7

Gah lăm mă 'bar lăp minh 'nu 'bok soi tih đĕch gơh mơ̆t kơkuh kơ 'Bok Kei-Dei lơ̆m noh. Mă-lei minh sơnăm minh 'măng đĕch, mă mơ̆t athei yua hăm pham sem dơrong 'mơ̆i na gơh mơ̆t, iŏk pham sem noh soi kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch sư kơdih hăm tơdrong yoch lu bôl buăl sư bơngai Isơrael.