Hêbrơ 7:22 - Sơ̆p Hlabơar Nơ̆r 'Bok Kei-Dei

²² Thoi noh na bơ̆n băt kơ Yêsu pơgơ̆p bơ̆n kơ 'Bok Kei-Dei dang ei hiôk hloh kơ lu 'bok soi noh pơgơ̆p sơ̆.

Hêbrơ 7:22 ပူးပေါင်းရင်းမြစ်များ

Bl 43:9

Inh gô bơwei sư; ih gô pơm kơ inh tơdah inh ưh kơ đei chông ba sư brŏk 'bơ̆t anăp ih. Inh gô pŭ tơdrong glăi 'bơ̆t anăp ih ling-lang đĭ chăl arih.

Bl 44:32

Yua kơ inh pơkă kơjăp hăm 'bă gah oh hơdruch âu na inh khan: Tơdah nhôn ưh kơ đei ba oh nhôn brŏk tơ ih dơ̆ng yoch hăm ih ling-lang hloi.

Horiso 119:122

Apinh Ih wei-lăng lu đĭch đam Ih wă kơ đei pŭn hiôk; 'Nĕ ăn kơ lu bơngai pơang pơjuă pơđep inh.

Tơdrông Pơđơk 20:16

Rôp ao wă pơkơ̆ng tơdah sư drơ̆ng wă dŏng bơngai tơmoi; Sư athei đei tơmam pơdơ̆ng, dah sư drơ̆ng wă huai iŏk bơngai drŏ-kăn tơmoi.

Tơdrông Pơđơk 6:1

Ơ dăm, tơdah ih đei pơma tơguăt băl boih hăm rông 'bôt ih, tơdah ih đei pơkă pơkăm hăm bơngai tơmoi.

Êsai 38:14

Inh ôr nhen sem kơdŏng, sem pleng, inh tơngưih nhen sem kơtơp si; măt inh lăng tơ kơpal đĭ rơgah. Ơ Kră Yang inh ơh sơ'ngon dêh, apinh ih dŏng iŏk inh bĕ!”

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Mathiơ 26:28

đak hơmu âu boih pham Inh wă lĕch tang ăn lơ bơngai, na 'Bok Kei-Dei pơklaih tơdrong yoch.

Markôs 14:24

Na Yêsu khan kơ lu sư: “Đak hơmu âu boih pham Inh wă lĕch tang ăn lơ bơngai na 'Bok Kei-Dei pơklaih tơdrong yoch lu sư.

Luka 22:20

Kư̆m thoi noh mơ̆n, đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn kơ lu iĕm. Thoi noh na 'Bok Kei-Dei gô pơklaih iĕm đơ̆ng tơdrong yoch.

I Kor 11:25

Kư̆m thoi noh mơ̆n đơ̆ng rŏng kơ sŏng sa Sư iŏk minh pôm kơchŏk đak hơmu păng khan: “Kơchŏk đak hơmu âu boih pham Inh wă lĕch tang ăn lu iĕm. Thoi noh na 'Bok Kei-Dei pơklaih iĕm đơ̆ng tơdrong yoch. Rim wơ̆t iĕm huch đak âu wă kơ iĕm 'blŏk hơdơ̆r kơ Inh.”

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Hêbrơ 7:23

Lu 'bok soi noh sơ̆ lu sư lơ, mă lơ yua kơ nŏng kơ pơtăl băl kơlih kơ lôch.

Hêbrơ 8:13

'Bok Kei-Dei pơma dơ̆ng gah tơdrong pơgơ̆p 'nao, Sư jô̆ kơ tơdrong pơgơ̆p hơdrol sơ̆ thoi lĕ kơ so boih. Tơdrong kiơ so, tơdrong noh wă jê̆ hiong tôch boih.