Hêbrơ 7:10 - Sơ̆p Hlabơar Nơ̆r 'Bok Kei-Dei

¹⁰ yua kơ kơplah Mêlkisêdek năm sơng iŏk Abraham brŏk đơ̆ng tơblah, Lêwi dang lĕ kơ kon pơjing Abraham yua kơ sư kon sâu Abraham.

Hêbrơ 7:10 ပူးပေါင်းရင်းမြစ်များ

Bl 35:11

Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao.

Bl 46:26

Lu sư jur năm truh tơ dêh Êyiptơ păng Jakôp, wă khan bơngai đơ̆ng Jakôp pơjing, tơdah ưh kơ đei jô̆ lu mŏ mai, lei tơdrâu-jĭt tơdrâu 'nu.

I Pot 8:19

Mă-lei ih ưh kơ gơh wă pơm ôh. Kon drŏ-nglo mă ih pơjing sư gô pơm Hnam akŭm kơ Inh.’

Hêbrơ 5:6

Tơ anih nai Sư kư̆m đei khan thoi âu: “Ih pơm 'bok soi ling-lang ưh kơ tôch, kiơ̆ kơ Ih adrĕch pơm tih thoi Mêlkisêdek.”

Hêbrơ 7:11

Lu 'bok soi kon sâu 'bok Lêwi hăm 'bok Arôn pơgơ̆r gah tơdrong juăt 'Bok Kei-Dei pơkă kơ lu bơngai Isơrael. Tơ̆ng kon bơngai gơnang kơ lu sư, na gơh jing 'lơ̆ng tơpăt hăm 'Bok Kei-Dei, lei kon bơngai ưh pă kăl boih kơ 'bok soi tih adrĕch Mêlkisêdek jur pơgơ̆r. Dôm lu sư jang mah boih.

Hêbrơ 7:5

Lu kon sâu 'bok Lêwi mă pơm 'bok soi kư̆m gơh iŏk tơmam pơyơ̆r minh lơ̆m mơjĭt đơ̆ng lu kon pơlei pơla 'nhŏng oh lu sư, yua kơ tơdrong juăt 'Bok Kei-Dei pơkă thoi noh păng lu sư kư̆m kon sâu Abraham tăm.

Hêbrơ 7:9

Lêwi ưh kơ đei ăn kơ Mêlkisêdek tơmam minh lơ̆m mơjĭt ôh, Abraham đĕch ăn. Mă-lei kư̆m dang sư ăn mơ̆n,