Hêbrơ 6:7 - Sơ̆p Hlabơar Nơ̆r 'Bok Kei-Dei

⁷ Pơtih gia kơ teh ayơ mă 'lơ̆ng, đei đak 'mi mah pơjing kơ hla 'long bluh 'lơ̆ng, đei plei trem, noh wă pơyua kơ tơ'ngla mă jang pơtăm sư, teh noh 'Bok Kei-Dei mơnat ăn kơ sư pơjing hla 'long bluh 'lơ̆ng đei yua khŏm khŏm.

Hêbrơ 6:7 ပူးပေါင်းရင်းမြစ်များ

Bl 1:11

Kră Yang 'Bok Kei-Dei khan dơ̆ng thoi âu: “Teh athei chăt 'long pơle, 'nhĕt 'nhot; đei găr adrĕch, 'long plei đei găr, kiơ̆ kơ adrĕch khŭl tơ kơpal teh âu.” Đei hloi thoi noh.

Bl 27:27

Jakôp năm jê̆ păng chŭm sư. Isăk 'bâu phu ao kon sư Êsâu na sư sơkat hloi thŭ pŭn hiôk păng khan: 'Nâu 'bâu phu đơ̆ng kon inh. Nhen thoi 'bâu tơ mir chŭn mă Kră Yang đei ăn pŭn hiôk.

Horiso 126:6

Bu yak rah nhơ̆m rah chĕp adrĕch năm rei. Sĭt gô đei brŏk hăm hơri chơt hiôk tôi hơchô̆ 'ba sư.

Horiso 24:5

Bơngai noh gô đei pŭn hiôk đơ̆ng Kră Yang, Păng tơdrong tơpăt đơ̆ng Kră Yang 'Bok Kei-Dei, Tơ'ngla dŏng pơklaih Sư.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Lêwi 25:21

Sơnăm mă tơdrâu Inh gô tuh ăn pŭn hiôk kơ lu iĕm, na sơnăm noh iĕm gô đei phe 'ba plei 'long sa lơ, 'mong kơ pêng sơnăm.

Malachi 3:10

Lu iĕm athei pơyơ̆r iŏk minh lăm mơjĭt tah tơ lăm pơk Inh, wă kơ đei tơmam sa lăm hnam Inh; păng đơ̆ng năr âu lu iĕm athei pơlong lăng Inh, Kră Yang Tih Hloh khan, lăng Inh hăm pơih lu 'măng-'mŏk tơ kơpal plĕnh ti tuh ăn tơdrong pŭn hiôk kơ lu iĕm dĭng truh anih mong pă đei!

Mathiơ 7:8

Bơngai bu krao khan apinh 'Bok Kei-Dei kiơ kiơ, 'Bok Kei-Dei gô asong. Bơngai bu chă kiơ kiơ, 'Bok Kei-Dei gô tơ'bôh ăn. Bơngai bu dơdŭ 'măng 'Bok Kei-Dei, 'Bok Kei-Dei gô pơih ăn.

II Tim 2:6

Âu nơ̆r pơtih gia mơ̆n: Bơngai choh mir sư jang hrat tơpă, sư wei-lăng mir sư truh tơ 'ba đum, klaih kơ noh tơ'ngla sư kĕch iŏk kơdih.

Ya 5:7

Ơ 'nhŏng oh, iĕm băt kơ thoi noh boih, na mă đe pơm kơnê̆ kơ iĕm, iĕm thĕng đĕch hŏ, truh tơ năr Kră Yang jur dơ̆ng. Pơtih gia thoi lu bơngai jang mir 'ba, lu sư băt tơpă gô đei 'ba na lu sư adrin jang truh kơ bơyan 'ba đum.