Hêbrơ 6:4 - Sơ̆p Hlabơar Nơ̆r 'Bok Kei-Dei

⁴ Mă-lei gah lu bơngai mă băt nhên boih tơdrong Yêsu, 'Bok Kei-Dei ăn kơ sư arih 'nao, ăn kơ sư Yang Bơhngol 'Lơ̆ng oei hơdai hăm sư,

Hêbrơ 6:4 ပူးပေါင်းရင်းမြစ်များ

Lêwi 13:55

Đang kơ pih bơih 'bok soi gô lăng lăng dơ̆ng tơmam mă đei tơdrong jĭ phơ̆k noh. Tơdah tơdrong jĭ phơ̆k noh ưh kơ tơkloh păng ưh kơ lanh jơ̆p, lei tơmam noh jơ̆ kơnê̆ 'mê̆-'mach bơih, ih athei soh lê̆ lăm ŭnh bĕ, yua kơ đei tơdrong jĭ sư sa tơ pah rŏng dah pah klak.

Lêwi 14:43

Tơdah tơdrong jĭ phơ̆k đei dơ̆ng đơ̆ng rŏng kơ iŏk tơmo noh, hơkôih lăm hnam păng man ming tơnăr, hnam noh.

Jo 24:3

na sư pơma khan lê̆ adrol hăm nơ̆r hơri thoi âu: Nơ̆r hơri khan lê̆ adrol Balaam, kon drŏ-nglo Bêôr khan, Nơ̆r hơri sư thoi đei măt lar 'bôh hơdah,

Mathiơ 12:45

Na sư năm chă pơtơm buăl sư tơpơh 'nu mă kơnê̆ hloh kơ sư dơ̆ng mơ̆t oei tơ bơngai noh; na bơngai noh sư jing pơmat hloh kơ minh 'nu yang kơnê̆ mơ̆t ki. Na lu bơngai kơnê̆ jơhnơr ahrei kư̆m thoi noh mơ̆n, yua kơ lu sư ưh kơ wă lui kơ Inh.”

Mathiơ 5:13

“Iĕm thoi lĕ kơ 'boh bơ̆n tah kơ tơmam sa 'băt 'lơ̆ng, wă kơ lu bơngai ala teh âu 'lơ̆ng 'biơ̆. Mă-lei dah 'boh jing sap, bơ̆n ưh kơ đei kiơ wă pơm kơ 'boh 'băt dơ̆ng. Thoi noh 'boh jing ưh pă yua boih, bơ̆n tuh hŭt lê̆ tơ teh, đe gô juă bơhlơ̆r đĕch.

Yo 15:6

Bơngai bu ưh kơ oei lăm Inh, 'Bă Inh gô tŭk lê̆ sư, kư̆m thoi đe tŭk dơng 'long, na dơng 'noh jing kro. Klaih kơ noh đe dônh lu dơng kro noh klơ̆m tŭk lăm ŭnh, na ŭnh gô sa sư.

Yo 3:27

Yôhan khan kơ lu sư thoi âu: “Ưh kơ đei bu gơh pơm tơdrong kiơ dah 'Bok Kei-Dei ưh kơ ăn kơ sư.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 6:32

Yêsu khan tơwih kơ lu sư: “Inh khan tơpăt wă kơ iĕm hlôh: Tơmam sa đơ̆ng plĕnh noh sơ̆ ưh kơ trŏ kơ Môis ôh ăn. 'Bă Inh ăn tơmam sa noh sơ̆. Păng 'Bă Inh ăn kơ iĕm tơmam sa, mă tơmam sa ei pha, tơmam sa ei kăl hloh tơpă gơh arih kon bơngai ling-lang,

Jang 10:45

Lu bơngai lui đơ̆ng Pơlei Japa mă kiơ̆ Pêtrôs ei sư bơngai Juđê. Sư kơtơ̆ng lu kon pơlei ei pơma nơ̆r hlĭch ư-ang kơ 'Bok Kei-Dei, na sư băt 'Bok Kei-Dei ăn Yang Bơhngol 'Lơ̆ng kơ lu kon pơlei ei boih. Na sư sơleng kơ đon kơlih kơ sư lăng lu bơngai akŭm ei ưh kơ trŏ kơ khŭl bơngai Juđê thoi sư. Sư ngêh kơ 'Bok Kei-Dei wă ăn Yang Bơhngol 'Lơ̆ng kơ khŭl Juđê đĕch. Na Pêtrôs pơma kơ lu bôl sư thoi âu:

Jang 11:17

'Bok Kei-Dei ăn kơ lu sư Yang Bơhngol 'Lơ̆ng thoi Sư ăn kơ bơ̆n sơ̆ lăp bơ̆n lui kơ Kră Yang Yêsu Krist, na Sư ăn kơ bơ̆n Yang Bơhngol 'Lơ̆ng hloi. Na inh ưh kơ wă găn 'Bok Kei-Dei ôh.”

Jang 15:8

'Bok Kei-Dei băt jơhngơ̆m đon kon bơngai na Sư ăn kơ lu bơngai tơmoi ei Yang Bơhngol 'Lơ̆ng kư̆m thoi Sư ăn kơ bơ̆n. Thoi noh 'Bok Kei-Dei ăn kơ bơ̆n băt Sư wă kơ lu bơngai tơmoi ei mơ̆n.

Jang 8:20

Na Pêtrôs khan kơ Simôn thoi âu: “Ih păng jên ih gô hiong lăm dơnâu ŭnh đĕch, ih ngêh khan gơh răt Yang Bơhngol 'Lơ̆ng 'Bok Kei-Dei.

Rom 1:11

Inh 'maih năm tơ iĕm dêh, wă kơ inh gơh tơgŭm iĕm lui kơ 'Bok Kei-Dei rai kơjăp hloh.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Galati 3:2

Inh đei tơdrong kăl wă jet iĕm: 'Bok Kei-Dei ăn kơ iĕm Yang Bơhngol 'Lơ̆ng Sư sơ̆, yua kơ iĕm kiơ̆ tơdrong juăt Môis hă? Dah yua kơ iĕm lui kơ Yêsu Krist?

Galati 3:5

Inh wă jet iĕm dơ̆ng: 'Bok Kei-Dei ăn kơ iĕm Yang Bơhngol 'Lơ̆ng păng ăn kơ iĕm gơh pơm tơdrong mơsêh, yua kơ iĕm kiơ̆ tơdrong juăt Môis, dah yua kơ iĕm gơnang kơ Yêsu Krist?

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Êphêsô 2:8

Bơ̆n klaih đơ̆ng tơdrong yoch oei hiôk hăm 'Bok Kei-Dei, yua kơ 'Bok Kei-Dei 'mêm mơnat kơ bơ̆n na Sư pơklaih, yua kơ bơ̆n lui păng gơnang kơ Yêsu tơpă na Sư mơnat. Ưh kơ sĭ bơ̆n gơh klaih kơdih ôh, mă-lei tơdrong noh Sư ăn đĕch.

Êphêsô 3:7

'Bok Kei-Dei wă kơ inh roi tơbăt kơ đe tơdrong 'nao 'lơ̆ng noh, na Sư ăn kơ inh jơhngơ̆m pran wă kơ inh kĕ păng gơh jang tơdrong 'noh ling-lang. Sư pơjao kơ inh tơdrong jang noh yua kơ Sư mơnat.

Êphêsô 4:7

Đơ̆ng năr bơ̆n pơtơm lui lăp pôm tơdrong hơgei đĕch Yêsu ăn kơ bơ̆n phara.

I Tim 4:14

Sơ̆ lăp lu kră pel kơ̆l ih na 'Bok Kei-Dei ăn kơ lu bơngai khan lê̆ hơdrol gah ih, 'Bok Kei-Dei ăn kơ ih jang tơdrong Sư pran hơgei. Na ih athei gơnang kơ 'Bok Kei-Dei tơgŭm ih ling-lang tơdrong ih hơgei 'noh.

II Tim 2:25

Sư bơtho lu bơngai pơjah pơjăng păng sư, sư athei bơtho mă 'lơ̆ng wă kơ bơngai mă pơjah pơjăng păng sư jah hơi jơhngơ̆m. 'Bok Kei-Dei phŏ Sư ăn kơ bơngai pơjah pơjăng 'noh tơbral hloi tơdrong yoch sư kơdih na hlôh hloi kơdih tơdrong Kră Yang.

II Tim 4:14

'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.

Hêbrơ 10:32

Iĕm athei 'blŏk kơ năr hơdrol, năr mă iĕm pơtơm lui sơ̆. Hlôi iĕm kơtơ̆ng tơdrong Yêsu Krist boih, na iĕm lui kiơ̆ hloi, iĕm đei iŏk tơdrong gleh đe pơm pơmat iĕm, mă-lei iĕm oei adrin lui khŏm khŏm 'mơ̆i.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.

I Yo 5:16

Dah iĕm 'bôh 'nhŏng oh bơ̆n bơngai lui sư pơm yoch iĕm athei krao khan kơ 'Bok Kei-Dei kơ sư, na 'Bok Kei-Dei gô ăn kơ sư arih ling-lang. Sơmă đei 'bar khŭl tơdrong yoch. Minh khŭl noh bơ̆n 'bôh 'nhŏng oh bơ̆n pơm yoch, athei krao khan kơ 'Bok Kei-Dei tơgŭm sư. Minh khŭl dơ̆ng bơ̆n 'bôh 'nhŏng oh bơ̆n pơm yoch khŏm khŏm, inh ưh kơ đei athei iĕm krao khan tơgŭm sư dơ̆ng ôh. Bơngai bu pơm yoch thoi noh sư gô răm tơpă.