Hêbrơ 6:18 - Sơ̆p Hlabơar Nơ̆r 'Bok Kei-Dei

¹⁸ 'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

Hêbrơ 6:18 ပူးပေါင်းရင်းမြစ်များ

Bl 19:22

Jăk mă tĕnh tĕnh kơdâu ôn tơ noh, yua kơ dah ih ưh tam truh kơdâu ôn tơ noh, inh ưh kơ gơh pơm kiơ.” Yua kơ noh, na đe krao pơlei noh Soar.b

I Pot 2:28

Tơdrong 'nâu kơtơ̆ng truh tơ Jôap, yua kơ sư kiơ̆ khŭl Adonija, mă khan sư ưh kơ kiơ̆ khŭl Apsalôm ră, na sư kơdâu năm tơ bơsŭn anih hnam akŭm Kră Yang păng sư năm rôp hơke mum chơnang soi.

Horiso 110:4

Kră Yang đei pơkă pơkăm kơdih; Sư ưh kơ đei tơplih đon: “Ih jing 'bok soi ling-lang, kiơ̆ thoi Mêlkisêdek.”

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Tơdrông Pơđơk 3:18

Tơdrong gơh hơgei sư jing minh tơnơm 'long arih kơ bơngai bu đei rôp sư; Bơngai bu đei rôp sư kơjăp jô̆ bơngai pŭn hiôk tơpă.

Tơdrông Pơđơk 4:13

Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Êsai 27:5

Dah lu sư gơnang kơ Inh bơwei, ngôi hiôk-hian hăm Inh” tơpă pơm hiôk-hian hăm Inh.”

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 56:4

Kră Yang khan thoi âu: Lu bơngai krĕo wei năr pơdơh Sa'bat Inh. Rơih iŏk dôm tơdrong Inh lăp đon, chĕp kơjăp nơ̆r pơgơ̆p Inh,

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Sa 9:12

Ơ lu bơngai bơnă mă đei tơdrong gơnang chang gô, brŏk bĕ tơ anih kơjăp, lăm năr âu boih inh khan gô pơm 'mong ăn kơ ih hloh 'bar wơ̆t dơ̆ng.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Luka 2:25

Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.

Rom 15:5

'Bok Kei-Dei ăn kơ bơ̆n đei đon lui kơjăp păng ăn kơ bơ̆n oei hiôk, na inh apinh Sư ăn kơ iĕm oei hiôk gơh găt dih băl, kư̆m thoi Yêsu Krist bơngai gơh găt păng bơ̆n.

Rom 3:25

'Bok Kei-Dei Sư sek tơlang kiơ̆ tơdrong tơpăt ngăl, na lu bơngai yoch Sư wă phak tơpă. Mă-lei Sư oei 'mêm kơ kon bơngai, na ăn Kon pôm Sư Yêsu lôch tang kon bơngai tơ 'long pơglang, wă huai iŏk lu bơngai yoch, wă kơ lu bơngai yoch noh lui kơ Kon Sư, gơnang kơ Kon Sư, na 'Bok Kei-Dei jô̆ lu sư jing bơngai 'lơ̆ng rơgoh, Sư huay pă jô̆ yo boih. Kơplah Yêsu tam mă lôch tang sơ̆, đei mơ̆n lu bơngai lui kơ 'Bok Kei-Dei, gơnang kơ 'Bok Kei-Dei, mă-lei Sư huay kơ jô̆ yo ôh dôm tơdrong yoch lu sư, yua kơ Sư wă ăn Yêsu lôch tang lu sư ning-mônh. Tơdrong Sư ăn Kon Sư Yêsu lôch tang kon bơngai noh, Sư wă kơ kon bơngai băt kơ Sư sek tơlang kon bơngai tơpăt.

Rom 3:4

Đêl Sư pơkă lê̆ hơdrol Sư gô pơm 'blep thoi Sư pơkă tơpă. Mă kon bơngai bơ̆n juăt kơ hơlĕnh kơ Sư, kuă kơ kiơ̆ 'bơ̆r đon Sư mă-lei Sư oei pơm 'blep kơ nơ̆r Sư pơkă đĕch, Sư ưh kơ hơlĕnh thoi bơ̆n ôh. Na tơdrong noh 'blep thoi tơdrong đe chih roi lê̆ sơ̆ tơpă, sư khan thoi âu: “Ơ Kră Yang, Ih pơma 'lơ̆ng, pơma tơpăt ling-lang. Na kon bơngai wă sek tơlang tơdrong Ih, mă-lei lu sư ưh kơ gơh sek tơlang thoi yơ, yua kơ Ih pơm tơpăt kiơ̆ kơ nơ̆r Ih pơkă ngăl.”

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

I Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu Krist đơ̆ng inh bơtho ih sơ̆. Kră Yang 'Bok Kei-Dei hăm Kon Sư Yêsu Krist athei inh pơm jơ̆ng 'bang Sư. 'Bok Kei-Dei dŏng pơklaih bơ̆n đơ̆ng tơdrong yoch. Bơ̆n lui kơ Yêsu Krist bơ̆n băt kơ Sư gô ăn kơ bơ̆n oei hơdai hăm Sư ning-mônh. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

I Tim 6:12

Pơtih gia lu bơngai kơdâu pơjei, bơngai bu mă kơdâu adrin tơpă jei sư, bơngai 'noh sư gô đei apah. Mă ih kư̆m lei-lăi athei adrin mă tơpă, lui mă kơjăp na jei ih, na ih gô đei iŏk tơdrong arih tơ plĕnh ling-lang. Hơtai ih lui tơm hmơm sơ̆, đe krao khan kơ ih đang boih, na ih pơma 'bơ̆t anăp đe tơpôl lơ khan ih wă tơpă lui kơ Yêsu Krist. Đơ̆ng noh sơ̆ boih 'Bok Kei-Dei ăn kơ ih arih ling-lang.

II Tim 2:13

Bơngai bơ̆n phŏ phŏ ưh kơ pơm kiơ̆ thoi bơ̆n pơkă kơ Yêsu ôh, mă-lei Yêsu pơm 'lơ̆ng ling-lang, Sư ưh kơ lê̆ ôh dôm nơ̆r Sư pơkă hơdrol.”

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

Hêbrơ 3:11

Thoi noh na Inh hil kơ lu sư thoi âu: ‘Iĕm pơm thoi noh, iĕm ưh kơ gơh layơ wă mơ̆t pơdơh tơ dêh char Inh.’ ”

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 6:17

Tơdrong noh 'Bok Kei-Dei wă tơbăt kơ lu bơngai mă Sư pơkă, wă kơ lu bơngai noh băt kơ tơdrong Sư pơkă gô đei tơpă, na Sư pao anăn Sư kơdih.

Hêbrơ 7:19

Tơ̆ng kon bơngai kiơ̆ tơdrong juăt noh sơ̆, kon bơngai ưh kơ gơh pơm 'lơ̆ng tơpăt hăm 'Bok Kei-Dei ôh. Mă-lei dang ei bơ̆n jing bơngai 'lơ̆ng tơpăt boih, yua kơ 'bok soi 'nao noh, Sư soi akâu Sư kơ 'Bok Kei-Dei. Na dang ei bơ̆n pơ̆n năm jê̆ 'Bok Kei-Dei boih.

Hêbrơ 7:21

Tơdrong noh lăm sơ̆p hla bơar 'Bok Kei-Dei đei khan thoi âu: “Inh Kră Yang, Inh pao anăn Inh kơdih pơkă kơjăp tơpă, Inh ưh kơ gơh lê̆ ôh tơdrong pơkă noh.” Tơdrong pơkă noh Sư khan kơ Kon Sư thoi âu: “Ih pơm 'bok soi ling-lang ưh kơ tôch.” Mă kơplah Sư ăn lu bơngai noh pơm 'bok soi sơ̆ 'Bok Kei-Dei ưh kơ đei pao anăn Sư kơdih pơkă kơjăp thoi noh ôh.

Jôsuê 20:3

wă kơ lu bơngai mă pơlôch đe glăi ưh kơ pơrơ̆ng kơdâu ôn tơ noh, lu pơlei noh wă yua pơm pơlei kơ lu bơngai kơdâu ôn kơ đe wă pơlôch 'mong pham.

I Yo 1:10

Dah bơ̆n khan bơ̆n ưh kơ đei tơdrong yoch, 'noh dang bơ̆n khan 'Bok Kei-Dei hơlĕnh kơlih kơ bơ̆n bơngai yoch tơpă na Sư khan kơ bơ̆n thoi noh. Dah bơ̆n ling-lang pơma thoi noh, bơ̆n ưh kơ đei layơ gơh băt tơdrong Sư tŏ sĕt.

I Yo 5:10

Bơngai bu lui kơ Kon 'Bok Kei-Dei, bơngai 'noh lăm to sư, sư băt tơpă gah tơdrong 'Bok Kei-Dei tơbăt gah Kon Sư. Bơngai bu ưh kơ lui kơ nơ̆r 'Bok Kei-Dei pơma, bơngai 'noh sư khan 'Bok Kei-Dei hơlĕnh kơlih kơ sư ưh kơ lui kơ nơ̆r 'Bok Kei-Dei pơma gah Kon Sư.

I Sam 15:29

Hloh kơ noh Kră Yang arih ling-lang lu bơngai Isơrael ưh kơ pơma hơlĕnh, kư̆m ưh kơ tơplih nơ̆r; yua kơ ưh kơ trŏ kơ kon bơngai na mă tơplih nơ̆r!