Hêbrơ 6:13 - Sơ̆p Hlabơar Nơ̆r 'Bok Kei-Dei

^13-16 Kiơ̆ kơ tơdrong juăt kon bơngai, mưh wă pơkă băl tơdrong kiơ wă kơ kơjăp, sư pao anăn tơ'ngla Kră Yang sư kơdih wă kơ đĭ-đăng bơngai lui kơ nơ̆r sư. Kơplah 'Bok Kei-Dei pơkă kơ Abraham sơ̆, Sư wă kơ đe băt kơ Sư gô tơgŭm tơpă, na Sư ưh kơ đei pao anăn bu nai ôh yua kơ ưh kơ đei bu tih hloh kơ Sư, Sư pao anăn Sư kơdih đĕch. Sư khan kơ Abraham thoi âu: “Inh wă tơgŭm ih tơpă, Inh gô ăn kơ ih đei lu kon sâu lơ.” Abraham lui tơpă, sư chang gô truh tơ 'Bok Kei-Dei ăn kơ sư tơpă.

Hêbrơ 6:13 ပူးပေါင်းရင်းမြစ်များ

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Êsai 45:23

Kơdih kâu Inh pơkă bơih: Lăm nơ̆r tơpăt sĭt, nơ̆r lĕch bơih đơ̆ng 'bơ̆r Inh. Nơ̆r pơma noh ưh kơ gơh wih pơdrâu dơ̆ng: Đĭ-đăng kŭl-tăng gô sơtơ̆p 'bơ̆t anăp inh, rim 'bơ̆r gô pơkă 'bơ̆t anăp Inh.

Je 22:5

Mă-lei tơdah lu iĕm kuă kơ mơ̆ng kiơ̆ nơ̆r tơtă 'nâu, Kră Yang khan: Inh pơkă hăm anăn Inh kơdih, hnam pơtao âu gô jing juơ.’ ”

Je 44:26

Mă-lei, ơ đĭ-đăng bơngai Juđa hrei âu oei oei lăm dêh char Êyiptơ, mơ̆ng bĕ nơ̆r Kră Yang, khan: ‘'Nâu Inh yua anăn mơsêh tih Inh na pơkă, lăm dêh char Êyiptơ gô ưh pă đei minh 'nu bơngai Juđa ayơ mă gơh ha 'bơ̆r krao apinh anăn Inh dơ̆ng: Sĭt tơpă thoi Kră Yang arih!’

Je 49:13

Kră Yang khan: “Inh pơkă hăm anăn Inh kơdih, pơlei Bôsra gô jing rơ̆m rĕk, đe lăng 'brơ̆ krưp, đe hiĕk ăr, blei hiap păng pŭ hơngiap, lu pơlei sư gô jing rơ̆m rĕk, pơchah răm ling-lang hloi.”

Êsêkiên 32:13

Inh gô pơrăm đĭ lu sem dơrong chă sa jih đak glung ro tih, jơ̆ng kon pơlei păng jơ̆ng kơchôp lu sem bri ưh pă kôch pơm kơ đak gơsŏk dơ̆ng.

Mi 7:20

Ih gô pơm 'long tơpăt tơ'bôh kơ Jakôp păng 'mêm mơnat kơ Abraham, noh boih mă tơdrong Ih đei pơkăm pơkă hăm lu 'bok yă lu nhôn đơ̆ng năr sơ̆ ki sơ̆ kach.

Luka 1:73

Na Sư pơkă kơ 'bok Abraham bơ̆n tơdrong noh,

Galati 3:15

Ơ 'nhŏng oh, inh wă pơma tơdrong pơtih gia ăn kơ iĕm thoi âu: Dah 'bar 'nu bơngai pơgơ̆p dih băl tơdrong kiơ kiơ, na chih anăn bre sư tơ lăm hla bơar pơgơ̆p noh, na lu bơngai nai ưh kơ đei bu gơh sut tơhiong lê̆ dah chih pơthim ăn tơ lăm hla bơar pơgơ̆p noh dơ̆ng.

Galati 3:18

Mă tơpă 'Bok Kei-Dei wă tơgŭm bơ̆n yua kơ Sư pơkă kơ Abraham bơ̆n sơ̆, ưh kơ sĭ Sư wă tơgŭm bơ̆n yua kơ bơ̆n kiơ̆ tơdrong juăt Sư ôh. Dah 'Bok Kei-Dei tơgŭm bơ̆n yua kơ bơ̆n kiơ̆ tôm tơdrong Sư ată lei bơ̆n ưh kơ kăl kơ tơdrong Sư mơnat kơ bơ̆n tơdrong Sư khan wă tơgŭm kơ bơ̆n dơ̆ng.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.