Hêbrơ 5:8 - Sơ̆p Hlabơar Nơ̆r 'Bok Kei-Dei

⁸ Mă khan Sư Kon 'Bok Kei-Dei, Sư kư̆m hơdai pơmat-tat, na Sư băt kơ adrin chu yom kơ 'Bok Kei-Dei.

Hêbrơ 5:8 ပူးပေါင်းရင်းမြစ်များ

Êsai 53:5

Đe 'bet sư rơka yua kơ tơdrong yoch lu bơ̆n. Yua kơ tơdrong kơnê̆ lu bơ̆n na đe pơjĭ sư. Đơ̆ng sư chu đe phak na lu bơ̆n đei hiôk-hian. Sư chu pŭ rơka wă kơ bơ̆n gơh klaih hiôk.

Mathiơ 3:15

Yêsu khan kơ sư: “Bĕ ih jah pơm kơ Inh, ba pơm kiơ̆ thoi noh, wă kơ ba pơm trŏ thoi 'Bok Kei-Dei wă.” Thoi noh na Yôhan chu kơ nơ̆r Sư.

Yo 10:18

Dah Inh ưh kơ ăn, ưh kơ đei bu gơh pơlôch Inh ôh. Inh lôch yua Inh wă kơdih Inh đĕch. Inh gơh ăn akâu Inh lôch, Inh gơh ăn akâu Inh iung arih; noh đơ̆ng 'Bă Inh pơkă, na Inh pơm thoi noh.”

Yo 15:10

Dah iĕm răk dôm tơdrong Inh bơtho, lei inh 'mêm kơ iĕm tơpă, wei-lăng iĕm khŏm khŏm, kư̆m thoi Inh răk dôm tơdrong 'Bă Inh bơtho na Sư 'mêm kơ Inh tơpă păng wei-lăng Inh khŏm khŏm mơ̆n.

Yo 4:34

Yêsu khan kơ lu sư: “Tơmam sa Inh jơ̆ Inh athei pơm kiơ̆ kơ 'Bok Kei-Dei wơh Inh jang mă keh tơdrong Sư. 'Noh boih tơmam sa Inh.

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Philip 2:8

Akâu akar Sư lei-lăi thoi kon bơngai, păng Sư iŏk đon ala, chu 'Bok Kei-Dei ling-lang truh tơ Sư lôch, mă lôch pơmat tơ 'long pơglang tăm.

Hêbrơ 1:2

Mă-lei gah chăl arih lu bơ̆n ahrei, Sư wơh Kon Sư kơdih năm pơtruh kơ bơ̆n. Sư kư̆m ăn kơ Kon Sư gơh pơjing plĕnh pơjing teh păng pơgơ̆r tôm tơdrong.

Hêbrơ 1:5

'Bok Kei-Dei ưh tam layơ khan kơ linh jang, dang Sư khan kơ Kon Sư sơ̆ khan: “Ih boih Kon Inh, năr âu Inh wă ăn kơ Ih pơgơ̆r.” Sư kư̆m khan dơ̆ng thoi âu: “Inh pơm 'Bă Ih, Ih pơm Kon Inh.”

Hêbrơ 1:8

Mă-lei gah Kon Sư kơdih khan thoi âu: “Ih Kră Yang tơoei kơpal tang-dŏ pơgơ̆r ling-lang ưh kơ layơ tôch; Ih pơgơ̆r 'lơ̆ng tơpăt.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.