Hêbrơ 4:8 - Sơ̆p Hlabơar Nơ̆r 'Bok Kei-Dei

⁸ Sơ̆ 'bok Jôsuê anhăk lu bôl sư bơngai Isơrael năm oei tơ minh pôm dêh 'Bok Kei-Dei ăn. Mă ưh kơ sĭ 'Bok Kei-Dei wă ăn kơ lu bơngai chăl Đawit sơ̆ oei pơdơh hơdai hăm Sư tơ dêh char noh ôh. Sư khan noh oei đunh tơpă ưh kơ băt dôm jơhnơr, Sư khan lê̆ kơ lu bơngai chăl Đawit wă kơ lu bơngai noh chu kơ Sư, Sư wă ăn mơ̆t oei tơ dêh char Sư tơ plĕnh.

Hêbrơ 4:8 ပူးပေါင်းရင်းမြစ်များ

I Ho 7:27

Êlisama pơjing Nun; Nun pơjing Jôsuê.

Horiso 105:44

Sư jao ăn teh kơ lu sư đơ̆ng lu dêh char. Lu sư yua iŏk mir chŭn pơgar đơ̆ng lu kon pơlei.

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Jang 7:45

Lu kon sư dơ̆ng, lăp 'bok Jôsuê pơgơ̆r, lu sư tung ba hnam ei tơ dêh Kanaan mă bơ̆n oei dang ei, na 'Bok Kei-Dei pơpuh lê̆ lu bơngai mă oei tơ dêh Kanaan sơ̆ ăn kơ lu 'bok kơdră bơ̆n oei tơ dêh Kanaan. Hnam ei oei truh tơ Đawit pơm pơtao.

Both 12:9

Dang ei lu iĕm tam mă mơ̆t tơ anih pơdơh păng tam mă đei iŏk teh bơ̆jang sa mă Kră Yang 'Bok Kei-Dei iĕm wă ăn.

Both 25:19

Layơ Kră Yang 'Bok Kei-Dei lu iĕm ăn tơdrong hiôk hơđơ̆ng pơdơh đơ̆ng lu bơngai dăr wang tăp dăr kơ iĕm lăm dêh mă Kră Yang 'Bok Kei-Dei iĕm ăn kơ lu iĕm iŏk bơ̆jang sa, asong băl athei sŭt lê̆ tơdrong 'blŏk đơ̆ng Amalek đơ̆ng ala teh âu, 'nĕ kơ hiơt hŏ.

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

Hêbrơ 4:9

'Noh na ahrei Sư wă ăn kơ lu kon Sư mơ̆t pơdơh tơ Sư ling-lang, kư̆m thoi Sư pơdơh kơ tơdrong jang Sư năr tơpơh 'noh sơ̆.

Jôsuê 1:15

dĭng dang yơ mă Kră Yang ăn tơdrong hiôk-hian kơ lu 'nhŏng oh iĕm thoi đei ăn boih kơ lu iĕm păng dĭng lu sư đei iŏk asong băl dêh char mă Kră Yang 'Bok Kei-Dei đei ăn kơ lu sư. Đơ̆ng noh lu iĕm gô wih tơ char lu iĕm kơdih, dêh char mă Môis đĭch đam Kră Yang đei ăn kơ lu iĕm gah âu kơ đak Krong Jôrđăn, gah măt 'năr lĕch, na lu iĕm gô iŏk teh noh pơm anih lu iĕm jang sa.

Jôsuê 11:23

Jôsuê blah iŏk đĭ-đăng tơring char 'nâu, kiơ̆ tôm tơdrong thoi Kră Yang khan pơkă kơ Môis păng Jôsuê asong ăn teh kơ lu bơngai Isơrael jang sa mir 'ba păng klah asong kiơ̆ rim kơ khŭl adrĕch adrung lu sư. Kơplah noh tơring char 'nao đei rơngei hiôk-hian pă đei tơdrong tơblah dơ̆ng.

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Jôsuê 23:1

Đunh tơpă đơ̆ng rŏng kơ Kră Yang ăn kơ lu bơngai Isơrael pơdơh hiôk-hian lu ayăt tăp dăr ưh pă đei tơblah păng Jôsuê đĭ kră, arih sot sơnăm đĭ lơ boih.