Hêbrơ 4:7 - Sơ̆p Hlabơar Nơ̆r 'Bok Kei-Dei

⁷ Thoi noh đunh tơpă đơ̆ng rŏng kơ noh Sư athei Đawit pơma thoi nơ̆r inh roi kơ iĕm tơ kơpal noh hei, Sư khan: “Đơ̆ng âu tơ anăp mưh iĕm kơtơ̆ng nơ̆r Inh pơma, iĕm 'nĕ pă arăng kơ̆l.” Thoi noh na ahrei Sư ăn kơ kon bơngai mơ̆t pơdơh hăm Sư boih.

Hêbrơ 4:7 ပူးပေါင်းရင်းမြစ်များ

I Pot 6:1

Lăm sơnăm puăn-hrĕng tơhngam-jĭt đơ̆ng rŏng kơ lu bơngai Isơrael lĕch đơ̆ng dêh char Êyiptơ; sơnăm mă puăn lăm chăl Sôlômôn pơgơ̆r lu bơngai Isơrael, kơplah khei Siu wă khan khei mă 'bar, sư pơtơm pơdơ̆ng tơiung pơm Hnam akŭm Kră Yang.

Horiso 95:7

Yua kơ Sư boih Kră Yang 'Bok Kei-Dei bơ̆n. Lu bơ̆n jing kon pơlei oei lăm dơnih 'nhĕt Sư. Păng jing triu kiơ̆ kơ ti Sư chông anhăk. Năr âu tơdah iĕm kơtơ̆ng nơ̆r Sư,

Mathiơ 22:43

Yêsu khan dơ̆ng kơ lu sư: “Trŏ mơ̆n mă-lei liơ Yang Bơhngol 'Lơ̆ng athei Đawit krao kơ 'Bok Krist Yŏng Kơdră sư na Đawit khan sơ̆ thoi âu:

Markôs 12:36

Yang Bơhngol 'Lơ̆ng athei Đawit khan thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.’

Luka 20:42

Mă-lei Đawit khan tơ lăm sơ̆p hla bơar Tơdrong Hơri Sơ̆ thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r,

Jang 2:29

Pêtrôs oei pơma: “Ơ 'nhŏng oh, inh wă pơma kơ iĕm mă nhên gah Đawit 'bok kơdră bơ̆n sơ̆. Đawit lôch boih. Klaih kơ noh đe 'bŭ sư. Bơsat sư tơ Pơlei Jêrusalem kư̆m oei khơ̆ dang ei mơ̆n.

Jang 2:31

Đawit băt kơ 'Bok Krist mă 'Bok Kei-Dei ăn wă pơgơ̆r bơ̆n, Sư gô iung arih dơ̆ng na Đawit khan thoi âu: 'Bok Kei-Dei ưh kơ đei achăng tŭk Sư lăm anih bơngai lôch, akâu Sư ưh kơ jing ôm ôh.

Jang 28:25

Na lu sư wă tơklah dih băl brŏk tơ hnam kơdih, lu sư oei pơjah dih băl gah tơdrong Pôl bơtho. Hơdrol kơ lu sư wă brŏk, Pôl khan kơ lu sư thoi âu: “Yang Bơhngol 'Lơ̆ng ăn kơ bơngai pơtruh nơ̆r 'Bok Kei-Dei sơ̆, anăn sư Êsai, khan kơ lu 'bok kơdră bơ̆n sơ̆, na 'blep kơ iĕm ưh kơ lui dang ei.

Hêbrơ 3:15

Thoi noh na 'Bok Kei-Dei khan sơ̆ thoi âu: “Đơ̆ng âu tơ anăp mưh iĕm kơtơ̆ng nơ̆r Inh pơma, iĕm 'nĕ pă arăng kơ̆l thoi lu yă 'bok iĕm mă oei tơ dêh glă sơ̆, lu sư kơchu dêh.”