Hêbrơ 3:14 - Sơ̆p Hlabơar Nơ̆r 'Bok Kei-Dei

¹⁴ Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

Hêbrơ 3:14 ပူးပေါင်းရင်းမြစ်များ

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

Rom 11:22

'Bok Kei-Dei 'mêm tơpă kơ kon bơngai, mă-lei Sư kư̆m hil kơ kon bơngai mơ̆n. Sư hil kơ lu bơngai mă kuă kơ lui kơ Sư. Gah lu iĕm Sư ưh kơ hil ôh yua kơ iĕm oei lui păng gơnang kơ Sư tơpă. Dah iĕm kuă kơ lui, Sư kư̆m chre hŭt dơng iĕm mơ̆n.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 10:17

Lăp minh pôm 'bĕng mi noh đĕch, mă-lei đei lơ bơngai sa, 'noh pơtih gia kơ lu bơ̆n bơngai lơlap lơlang pơgơ̆p jing dang minh 'nu bơngai minh jơhngơ̆m minh đon hăm Yêsu Krist.

I Kor 9:23

Inh adrin druh rim đon kon bơngai thoi noh, yua kơ wă bơtho tơdrong 'nao 'lơ̆ng Yêsu Krist kơ lu sư na bơ̆n gơh oei hơdai hăm 'Bok Kei-Dei ling-lang ning-mônh.

Êphêsô 3:6

Tơdrong 'noh lĕch đơ̆ng tơdrong 'nao 'lơ̆ng Yêsu Krist, na lu iĕm bơngai khŭl nai dang ei kư̆m hơdai đei tơdrong hiôk jơnap noh. Tơdrong hiôk jơnap noh sơ̆ Sư khan wă ăn kơ lu bơngai Juđê nhôn mă dang ei đei truh tơ iĕm boih; bơ̆n dang 'nhŏng oh minh sĕch minh akar. Iĕm klaih đơ̆ng tơdrong yoch oei hiôk jơnap hăm 'Bok Kei-Dei kư̆m thoi 'Bok Kei-Dei ăn kơ lu nhôn mơ̆n.

Both 1:35

Ưh kơ đei drŏ-nglo bu lăm adrĕch kơnê̆ âu gô 'bôh dêh 'lơ̆ng rŏ mă Inh đei pơkă wă ăn kơ lu 'bok iĕm.

I Tim 6:2

Đei bơngai đĭch păng yŏng, bre sư jing 'nhŏng oh yua kơ bre sư lui kơ Kră Yang boih, na bơngai đĭch ei athei lui yom kơ yŏng sư, sư jang kơ yŏng sư 'lơ̆ng hloh kơ sư tam mă lui sơ̆. 'Noh yua kơ sư đei đon 'mêm tơpă kơ yŏng sư, yua kơ yŏng sư bôl bơngai lui. Ih athei bơtho kơ đe dôm tơdrong inh ată wă kơ đe pơm kiơ̆.

Hêbrơ 11:1

Bơngai đon lui, sư băt tơpă kơ sư gô đei. Tơdrong sư ưh kơ gơh 'bôh sư kư̆m băt kơ đei mơ̆n.

Hêbrơ 12:10

Mĕ 'bă, sư bơtho pơjĭ bơ̆n gô mơ̆ng kơ sư wă, kơplah bơ̆n oei 'lơ̆p. Na 'Bok Kei-Dei bơtho pơjĭ bơ̆n Sư wă tơgŭm bơ̆n tơpă, wă kơ bơ̆n pơm 'lơ̆ng thoi Sư.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Hêbrơ 6:11

Nhôn wă đĭ-đăng kơ iĕm adrin pơm kiơ̆ thoi noh ling-lang truh kơ tôch, na iĕm gô đei tơpă tơdrong mă iĕm oei chang sơmĕng dang ei noh.

Hêbrơ 6:4

Mă-lei gah lu bơngai mă băt nhên boih tơdrong Yêsu, 'Bok Kei-Dei ăn kơ sư arih 'nao, ăn kơ sư Yang Bơhngol 'Lơ̆ng oei hơdai hăm sư,

I Pet 4:13

Na iĕm athei gơ̆t lê̆ tơdrong sơ'ngon, iŏk tơdrong hiôk chơt đĕch, yua kơ Yêsu Krist sơ̆ Sư kư̆m đei tơdrong gleh truh boih. Na bơ̆n dang ei kư̆m đei tơdrong truh thoi noh mơ̆n. Thoi noh na truh năr bơ̆n tơ'bơ̆p Yêsu Krist mơsêh mơyang jur ning-mônh bơ̆n gô hiôk chơt hăm Sư.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

I Yo 1:3

Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.