Hêbrơ 2:17 - Sơ̆p Hlabơar Nơ̆r 'Bok Kei-Dei

¹⁷ Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 2:17 ပူးပေါင်းရင်းမြစ်များ

II Ho 29:24

na 'bok soi pơlôch lu bơbe tơno noh păng mong pham tơtreh tơ kơpal chơnang soi noh wă pơm tơmam soi huai đơ̆ng yoch kơ đĭ-đăng kơ lu kon pơlei Isơrael, yua kơ pơtao đei athei khan pơyơ̆r tơmam soi 'buh wă huai đơ̆ng yoch kơ đĭ kon pơlei Isơrael.

Êsai 11:5

Tơdrong 'lơ̆ng tơpăt noh thoi tơlei tơ̆n Sư, tơdrong tơnăp sĭt noh thoi tơlei tơ̆n tơ kơiĕng Sư.

Êsêkiên 45:15

Đơ̆ng khŭl triu lăm anih 'nhĕt bluh arih 'lơ̆ng Isơrael, lăm 'bar-hrĕng tŏ triu gô iŏk minh wă pơm tơmam soi hăm phe 'ba păng tơmam soi 'buh, tơmam soi 'blŏk bơnê wă huai đơ̆ng yoch kơ kon pơlei, Kră Yang khan.

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Êsêkiên 45:20

Lăm năr mă tơpơh lăm khei noh, ih kư̆m athei pơm tơdrong noh kơ lu bơngai pơm yoch hơch 'bơm dah yua kơ ưh kơ hlôh; thoi noh ih gô pơm rơgoh kơ hnam akŭm.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Lêwi 14:18

Đak rơmă oei oei lăm tơpang ti, 'bok soi gô hling tơ kơ̆l bơngai wă kơ rơgoh noh. Thoi noh 'bok soi gô soi sơmah pơm rơgoh ăn kơ sư 'bơ̆t anăp Kră Yang.

Lêwi 16:16

Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.

Lêwi 6:30

Mă-lei tơdah tơmam soi wă huai dơ̆ng yoch đe chĕp ba tơ Bơsŭn Anih Akŭm wă soi sơmah huai đơ̆ng yoch lăm anih 'lơ̆ng rơgoh; athei soh lê̆ bĕ.

Lêwi 8:15

Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Jo 15:25

'Bok soi gô soi sơmah huai iŏk đơ̆ng tơdrong yoch ăn kơ đĭ-đăng tơpôl kon pơlei Isơrael, lei na tơdrong yoch đĭ tơpôl kon pơlei noh gô mơnat ăn, yua kơ noh tơdrong yoch glăi hơch 'bơm păng kon pơlei đei anhăk ba 'bơ̆t anăp Kră Yang tơmam soi kơdih, wă khan tơmam soi yua ŭnh soh pơyơ̆r, hơdai hăm tơmam soi huai tơdrong yoch.

Rom 15:17

Tơdrong noh yua kơ Yêsu Krist tơgŭm inh bơtho, na đei lơ bơngai tơpă lui kơ Sư, na dang ei inh hiôk dêh đơ̆ng Sư pơchĕp kơ inh jang tơdrong 'Bok Kei-Dei âu.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

Êphêsô 2:16

yua kơ Sư lôch tang bơ̆n tơ 'long pơglang ăn đĭ-đăng kơ bơ̆n mă bơngai Juđê, mă bơngai nai gơh hiôk hăm 'Bok Kei-Dei boih. Bơ̆n dang minh akâu đĕch ưh pă layơ wă tơklah băl dơ̆ng.

Kôlôsê 1:21

Sơ̆ iĕm oei ataih kơ 'Bok Kei-Dei, na jơhngơ̆m đon iĕm tơchĕng ayăt kơ 'Bok Kei-Dei ngăl; na iĕm pơm lơ tơdrong kơnê̆.

Hêbrơ 10:21

Sư pơm 'bok soi tih tơgŭm kon pơlei pơla 'Bok Kei-Dei.

Hêbrơ 2:11

Yêsu pơklaih bơ̆n đơ̆ng tơdrong yoch păng pơyơ̆r bơ̆n kơ 'Bok Kei-Dei yua kơ Sư lăng bơ̆n thoi 'nhŏng oh pôm mĕ 'bă tơpă, 'Bă tơm bơ̆n lăp minh 'nu đĕch, Sư mă oei tơ plĕnh ti. Mă bơngai thoi bơ̆n, Sư kư̆m lăp đon kơ anăn bơ̆n 'nhŏng oh Sư.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

Hêbrơ 2:16

Lu linh jang, Yêsu ưh kơ đei tơdŏng ôh, Sư tơdŏng lu bơ̆n mă kon sâu Abraham đĕch.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Hêbrơ 3:2

Na Yêsu jang 'lơ̆ng tơpă dôm tơdrong 'Bok Kei-Dei pơkă kơ Sư, kư̆m thoi Môis jang tơgŭm hnam dơnŏ 'Bok Kei-Dei sơ̆, sư jang kiơ̆ thoi 'Bok Kei-Dei pơkă tơpă.

Hêbrơ 3:5

Môis sư pơm đĭch đam 'Bok Kei-Dei jang tơgŭm kơ đĭ-đăng hnam dơnŏ 'Bok Kei-Dei sơ̆. Sư jang tơnen dêh, sư jang kiơ̆ kơ 'Bok Kei-Dei pơkă hloi. Sư 'bok khan lê̆ hơdrol bơtho tơbăt kơ kon bơngai gah tơdrong ning-mônh.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 5:1

Rim 'nu lu 'bok soi tih 'Bok Kei-Dei rơih iŏk sư đơ̆ng khŭl kon bơngai wă jang tang lu bôl sư lơ̆m tơdrong soi sơmah kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch lu bôl sư.

Hêbrơ 5:10

yua kơ 'Bok Kei-Dei pôk Sư pơm 'bok soi tih kiơ̆ kơ Sư adrĕch tih Mêlkisêdek.

Hêbrơ 5:2

Lu sư băt mơnat kơ lu bơngai mă kơhlôh kơwao, lu bơngai yoch, yua kơ lu sư kư̆m hơdai tơrăn lei-lăi thoi lu bôl buăl.

Hêbrơ 5:5

Yêsu Krist kư̆m thoi noh, Sư ưh kơ gơh pôk akâu Sư kơdih pơm 'bok soi tih ôh, 'Bok Kei-Dei pôk Sư. 'Bok Kei-Dei khan kơ Sư thoi âu: “Ih boih Kon Inh, năr âu Inh wă ăn kơ Ih pơgơ̆r.”

Hêbrơ 6:20

Yêsu tŏk tơ noh hơdrol kơ bơ̆n, Sư oei 'bơ̆t anăp 'Bok Kei-Dei, thoi 'bok soi tih juăt kơ mơ̆t tơ lăm hnam akŭm anih giĕng soi tih mă 'Bok Kei-Dei oei. Sư tŏk tơ noh wă hơmet trong kơ bơ̆n, wă kơ bơ̆n gơh tŏk kiơ̆ Sư, yua kơ Sư pơm 'bok soi tih ling-lang kiơ̆ kơ Sư adrĕch tih Mêlkisêdek sơ̆.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.

Hêbrơ 8:1

Dôm tơdrong inh pơma kơ iĕm dang ei, tơdrong âu kăl tơpă, thoi inh roi kơ iĕm tơ kơpal noh hei: Bơ̆n đei minh 'nu 'bok soi tih, Sư oei gah 'ma kơ 'Bok Kei-Dei tơ plĕnh ti.

Hêbrơ 8:3

Rim kơ đe pôk pơm 'bok soi tih, đe wă kơ lu 'bok soi noh soi tơmam kơ 'Bok Kei-Dei; thoi noh na Yêsu kư̆m đei tơmam Sư wă soi kơ 'Bok Kei-Dei mơ̆n.

Hêbrơ 9:11

Na dang ei Yêsu Krist truh boih, Sư pơm 'bok soi ăn dôm tơdrong hiôk 'lơ̆ng kơ bơ̆n. Sư jang awih awăn tơ lăm hnam 'Bok Kei-Dei rŏ hloh kơ hnam akŭm lu bơngai noh sơ̆. Hnam Sư ei ưh kơ pơm păng ti kon bơngai ôh păng hnam ei ưh kơ trŏ kơ tơ teh âu ôh, hnam ei tơ plĕnh ti.