Hêbrơ 13:6 - Sơ̆p Hlabơar Nơ̆r 'Bok Kei-Dei

⁶ Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”

Hêbrơ 13:6 ပူးပေါင်းရင်းမြစ်များ

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

I Pot 17:8

Na đei nơ̆r Kră Yang khan kơ Êli:

Horiso 124:8

Tơdrong dŏng tơgŭm lu bơ̆n lăm anăn Kră Yang. Tơ'ngla pơjing plĕnh teh.

Horiso 146:3

'Nĕ kơ gơnang kơ lu yŏng, kư̆m 'nĕ kơ gơnang kơ kon bơngai yua kơ lu sư ưh kơ gơh dŏng pơklaih.

Horiso 27:9

Ơ Kră Yang 'Bok Kei-Dei mă dŏng pơklaih inh, Apinh 'nĕ ôn muh măt Ih kơ inh. 'Nĕ kơ pơpuh lu đĭch đam Ih Kơplah Ih hil blĕk. Ih jơ̆ Kră Yang tơgŭm dŏng inh, 'nĕ kơ lê̆ inh, 'nĕ kơ achăng inh.

Horiso 33:20

Bơhngol lu nhôn chang gô Kră Yang, Sư boih tơdrong dŏng tơgŭm păng khêl lu nhôn.

Horiso 40:17

Gah inh jing dơnuh păng pơmat-tat. Apinh, Kră Yang 'blŏk kơ inh. Ih jơ̆ Kră Yang tơgŭm dŏng inh, Păng Kră Yang pơklaih inh. Ơ Kră Yang 'Bok Kei-Dei apinh Ih 'nĕ pă hiơ̆.

Horiso 54:4

'Nâu, Kră Yang 'Bok Kei-Dei boih tơgŭm dŏng inh; Kră Yang boih Tơ'ngla wei bơhngol inh.

Horiso 56:4

Inh hơmĕng kơ Kră Yang 'Bok Kei-Dei păng hơri bơnê kơ nơ̆r Sư. Inh lui gơnang kơb Kră Yang 'Bok Kei-Dei, inh ưh kơ đei hli kơ kiơ. Kon bơngai sĕch akar gô pơm kiơ kơ inh.

Horiso 63:7

Yua kơ Ih đei tơgŭm inh boih, Ala yơ̆p pơnăr Ih na inh gô hơri chơt hiôk.

Horiso 94:17

Dah Kră Yang ưh kơ đei dŏng tơgŭm inh, Lei bơhngol inh oei boih tơ lăm bơsat.

Le 18:4

păng minh 'nu anăn Êliêser,b yua kơ sư đei khan Kră Yang 'Bok Kei-Dei 'bă inh tơgŭm păng pơklaih inh đơ̆ng đao gưm Pharaôn.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Êphêsô 3:12

Yua kơ bơ̆n lui kơ Yêsu boih, na bơ̆n băt kơ pôm đon hăm Sư, bơ̆n gơh tŏk truh tơ 'Bok Kei-Dei huay pă hli kơ Sư boih.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.

Hêbrơ 10:19

Ơ 'nhŏng oh, bơ̆n gơnang kơ pham Yêsu, bơ̆n huay kơ hli ôh mơ̆t tơ anih giĕng tih, yua kơ Yêsu soi kơ bơ̆n boih.

Hêbrơ 4:16

Thoi noh na bĕ bơ̆n năm jê̆ tơ anăp Sư. Huay kơ hli ôh, Sư mơnat kơ bơ̆n tơpă, Sư wă tơgŭm bơ̆n lơ̆m dôm tơdrong bơ̆n kăl yua.

I Sam 23:17

Jônathan khan kơ Đawit: Ih 'nĕ kơ hli; ti Sôl, 'bă inh, ưh kơ gơh hơtŭt 'bơm kơ ih ôh. Ih gô pơm pơtao lu bơngai Isơrael, gah inh gô pơm yŏng pơgơ̆r, mă 'bar đơ̆ng rŏng ih Sôl 'bă inh, kư̆m băt hơđăl dôm tơdrong noh.