Hêbrơ 13:23 - Sơ̆p Hlabơar Nơ̆r 'Bok Kei-Dei

²³ Âu inh kư̆m wă roi tơbăt kơ iĕm, 'nhŏng oh bơ̆n Timôthê đe tơlĕch sư đơ̆ng hnam phak boih. Tơ̆ng sư jah truh tơ inh, inh tơchĕng sư kư̆m wă năm kiơ̆ inh năm ngôi tơ iĕm mơ̆n.

Hêbrơ 13:23 ပူးပေါင်းရင်းမြစ်များ

Rom 15:25

Mă-lei dang ei inh năm tơ Pơlei Jêrusalem hơdrol 'mơ̆i yua kơ đe ată jên athei ăn kơ lu bơngai lui tơ noh.

Rom 15:28

Đang inh pơjao kơ lu bơngai noh jên boih, na inh năm tơ iĕm, đơ̆ng noh na inh năm hloi tơ dêh Aspanhol.

Kôlôsê 1:1

Inh âu Pôl bơngai mă 'Bok Kei-Dei rơih pơm jơ̆ng 'bang Yêsu Krist; na âu nhi oh bơ̆n Timôthê

I Tim 6:12

Pơtih gia lu bơngai kơdâu pơjei, bơngai bu mă kơdâu adrin tơpă jei sư, bơngai 'noh sư gô đei apah. Mă ih kư̆m lei-lăi athei adrin mă tơpă, lui mă kơjăp na jei ih, na ih gô đei iŏk tơdrong arih tơ plĕnh ling-lang. Hơtai ih lui tơm hmơm sơ̆, đe krao khan kơ ih đang boih, na ih pơma 'bơ̆t anăp đe tơpôl lơ khan ih wă tơpă lui kơ Yêsu Krist. Đơ̆ng noh sơ̆ boih 'Bok Kei-Dei ăn kơ ih arih ling-lang.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

Phil 1:1

Hmach bơnê kơ ih, Philêmôn. Anăn inh Pôl oei lăm hnam phak yua kơ inh lui kơ Kră Yang Yêsu Krist. Nhi oh bơ̆n Timôthê chih hơpong kơ ih Philêmôn. Nhôn 'mêm kơ ih tơpă yua kơ ih jang tơdrong 'Bok Kei-Dei thoi nhôn mơ̆n.

Phil 1:22

Ih hơmet lê̆ kơ inh anih tep hŏ. Rŏ lăng 'Bok Kei-Dei ăn kơ inh lĕch đơ̆ng hnam phak âu thâu kơlih kơ iĕm krao khan kơ Sư ling-lang. Dah inh lĕch inh năm tơ iĕm.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.