Hêbrơ 13:18 - Sơ̆p Hlabơar Nơ̆r 'Bok Kei-Dei

¹⁸ Apinh iĕm krao khan tơgŭm nhôn hŏ, nhôn mơn kơdih nhôn pơm 'lơ̆ng păng nhôn 'maih pơm tơpăt ling-lang.

Hêbrơ 13:18 ပူးပေါင်းရင်းမြစ်များ

Jang 23:1

Pôl hue lăng lu kră sek tơlang na khan: “Ơ lu 'nhŏng oh, đơ̆ng sơ̆ khơ̆ dang ei inh pơm tơpăt, na jơhngơ̆m inh ưh kơ hli 'bơ̆t anăp 'Bok Kei-Dei.”

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

Rom 12:17

Đe pơm kơnê̆ kơ bơ̆n, bơ̆n 'nĕ pơm tơwih kơ đe, bơ̆n athei pơm 'lơ̆ng pơm trŏ, pơm kiơ̆ kơ tơdrong bôl buăl mă lăp đon; bơ̆n pơm thoi noh đĕch 'lơ̆ng.

Rom 13:13

Bơ̆n athei pơm mă 'lơ̆ng thoi bơngai jang kơ'năr, 'nĕ pă et sik suai hli kơ pơm kư̆ kă; drŏ-nglo drŏ-kăn kư̆m 'nĕ kơ ngôi kư̆ kă; 'nĕ pơjah pơjăng păng đe, 'nĕ kơ 'nhĕng đe.

Rom 15:30

Ơ lu 'nhŏng oh, yua kơ bơ̆n lui kơ Kră Yang bơ̆n Yêsu Krist păng yua kơ Yang Bơhngol 'Lơ̆ng ăn kơ bơ̆n đei đon 'mêm mơnat dih băl tơduă bơ̆n bơngai lui, na inh apinh iĕm adrin krao khan kơ 'Bok Kei-Dei tơgŭm inh hŏ,

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

Kôlôsê 4:3

Apinh iĕm krao khan kơ 'Bok Kei-Dei tơgŭm nhôn 'biơ̆ hŏ wă kơ Sư ăn kơ nhôn gơh bơtho nơ̆r Sư kơ lơ bơngai, tơdrong Kon Sư Yêsu Krist mă tam mă tơbăt kơ đe đơ̆ng sơ̆. Yua kơ inh bơtho tơdrong 'noh na đe oei phak inh dang ei.

I Tes 4:12

Dah iĕm jang tơnăp tơpă, iĕm huay kơ kăl đe jang tơdŏng iĕm ôh. Thoi noh na lu bơngai ưh tam mă lui lăng iĕm jang hơiă tơpă.

I Tes 5:25

Ơ 'nhŏng oh păng iĕm kư̆m krao khan kơ 'Bok Kei-Dei tơgŭm lu nhôn mơ̆n hŏ.

II Tes 3:1

Ơ lu 'nhŏng oh, tơdrong âu dơ̆ng: Lu iĕm krao khan kơ 'Bok Kei-Dei tơgŭm nhôn 'biơ̆ hŏ, wă kơ lu nhôn gơh bơtho tơdrong Kră Yang Yêsu Krist jơ̆p-jang, wă kơ lơ bơngai lui hăm băt ư-ang tơdrong 'nao 'lơ̆ng Sư, kư̆m thoi iĕm ư-ang tơdrong Sư dang ei mơ̆n.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.