Hêbrơ 12:5 - Sơ̆p Hlabơar Nơ̆r 'Bok Kei-Dei

⁵ Iĕm hiơt boih hă tơdrong 'Bok Kei-Dei pơlung bơ̆n wă kơ bơ̆n huay kơ sơ'ngon? Lăm sơ̆p hla bơar Sư đei chih khan kơ bơ̆n thoi âu: “Ơ dăm, e 'nĕ kơ hli ôh 'Bok Kei-Dei bơtho pơjĭ 'biơ̆ e. E 'nĕ kơ rai pơhơi 'bơ̆t Sư bơtho tơbral e.

Hêbrơ 12:5 ပူးပေါင်းရင်းမြစ်များ

Jop 34:31

Hăm đei bơngai bu khan kơ Kră Yang 'Bok Kei-Dei: “Inh chu pŭ tơdrong Ih phak bơtho, inh ưh pă pơm kơnê̆ dơ̆ng;

Horiso 118:18

Kră Yang phak bơtho inh dêh tơpă. Mă-lei huay ăn kơ inh truh kơ lôch.

Horiso 119:109

Tơdrong arih inh ngăl đei hli hơmơt, Mă-lei inh ưh kơ hiơt kơ khôi juăt Ih.

Horiso 119:16

Inh lăp dêh kơ tơdrong juăt Ih, ưh kơ hiơt kơ nơ̆r Ih

Horiso 119:67

Adrol kơ đei tơdrong pơmat-tat inh đĭ jrok boih; Mă-lei dang ei inh wei răk nơ̆r Ih.

Horiso 119:75

Ơ Kră Yang, inh băt tơdrong Ih sek tơlang tơpăt. Noh đơ̆ng tơdrong Ih tơpăt. Na Ih pơm kơ inh pơmat-tat.

Horiso 119:83

Yua kơ inh jing thoi get akar 'nhek 'nhoi. Mă-lei inh ưh kơ hiơt kơ khôi juăt Ih.

Horiso 94:12

Ơ Kră Yang, pŭn dêh kơ bơngai bu mă Ih đei bơtho pơhrăm, Păng bơtho ăn khôi juăt Ih kơ sư.

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

Tơdrông Pơđơk 4:5

Iŏk bĕ tơdrong gơh hơgei, chă bĕ tơdrong hlôh wao, 'Nĕ kơ hiơt, 'nĕ kơ hŭt lê̆ dôm nơ̆r đơ̆ng 'bơ̆r inh pơma;

Je 31:18

Inh kơtơ̆ng boih bơngai Êphraim nhơ̆m hmoi: ‘Ih phak bơtho inh boih, thoi đe pơjuăt kon rơmo mă tam biơh tah 'long ăt, inh pŭ iŏk boih. Apinh Ih iŏk inh brŏk bĕ, na inh gơh brŏk đei hiôk-hian, yua kơ Ih boih Kră Yang 'Bok Kei-Dei inh,

Nhom 3:39

Yua kơ kiơ mă bơngai oei arih oei jŏk roi, yua kơ pŭ phak đơ̆ng tơdrong yoch sư kơdih.

Luka 24:6

Sư ưh pă oei tơ âu boih yua kơ Sư iung arih đơ̆ng lôch boih. Na iĕm hăm 'blŏk kơ tơdrong Sư bơtho iĕm tơ dêh Galilê ki ưh?

Luka 24:8

Na lu sư 'blŏk hơdơ̆r kơ nơ̆r Yêsu bơtho thoi noh ki.

I Kor 11:32

'Bok Kei-Dei ăn kơ bơ̆n đei tơdrong chhŭr nuih thoi noh wă kơ bơ̆n tơbral kơdih tơdrong yoch, na Sư huay kơ phak bơ̆n hơdai lu bơngai ala teh âu ning-mônh.

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

I Tim 1:20

Thoi bre Himenaius hăm Aleksandrê hŭt tơdrong lui bre sư, na inh jao lê̆ bre sư kơ yang Satan wă kơ bre sư đei tơdrong gleh na wă kơ bre sư tơbral ưh pă pơma kơnê̆ kơ 'Bok Kei-Dei dơ̆ng.

Hêbrơ 12:7

Thoi noh na bơ̆n athei chu iŏk dôm tơdrong gleh 'Bok Kei-Dei bơtho noh. Sư bơtho yua kơ bơ̆n jing kon Sư. Hăm đei bu lơ̆m lu iĕm 'bă sư ưh kơ đei bơtho pơjĭ? Ưh kơ đei bu ôh.

Hêbrơ 13:22

Ơ 'nhŏng oh, apinh iĕm mơ̆ng 'biơ̆ dôm tơdrong inh chih bơtho iĕm lăm kơthơ âu hŏ, inh chih kư̆m ưh kơ lơ ôh tŏ sĕt đĕch.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.