Hêbrơ 12:29 - Sơ̆p Hlabơar Nơ̆r 'Bok Kei-Dei

²⁹ yua kơ Sư Kră Yang bơ̆n, thoi lĕ kơ ŭnh soh chhông.

Hêbrơ 12:29 ပူးပေါင်းရင်းမြစ်များ

II Sam 22:9

'Nhui lĕch đơ̆ng trôm muh Kră Yang, 'bơ̆r Kră Yang bluh pla ŭnh soh chhông ngar ngŭr khơ̆ng.

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Horiso 97:3

Ŭnh năm adrol tơ anăp Sư soh pơrăm lê̆ lu ayăt tăp dăr kơ sư.

Le 15:7

Hăm tơdrong pran kơtang mơsêh mơyang tih krưp Ih, pơrăm boih lu bơngai blah Ih; tơdrong Ih hil mĭl, Soh pơrăm lu sư thoi ŭnh sa hơnong ba.

Le 24:17

Tơdrong rang hơdah 'lơ̆ng Kră Yang tơ kơpal wĕch kông 'bơ̆t anăp lu bơngai Isơrael, thoi hơdah ŭnh sa kơdrơ̆ng.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 66:15

Lăng to, Kră Yang gô truh hăm ŭnh păng gre aseh Sư nhen thoi kial hơbŭt, wă pơm tơwih tơdrong ơh blĕk Sư hăm tơdrong hil mĭl, păng tơdrong Sư chrih nhen thoi pla ŭnh khơ̆ng.

Je 25:37

Hơdrong triu hiôk-hian kư̆m pơrăm đĭ, đơ̆ng tơdrong Kră Yang hil mĭl.

Êsêkiên 38:19

Lăm tơdrong Inh gar, lăm tơdrong Inh hil mĭl tơpă, lăm năr noh gô đei tơdrong pơpơ̆ tih dêh truh kơ char Isơrael.

Da 7:9

Inh oei lăng dĭng đe dan lu tang-dŏ pơtao păng đei kră mă oei arih đơ̆ng sơ̆ hơ-oei kơpal tang-dŏ noh. Ao sư kok thoi prĕl păng sŏk sư rơgoh thoi sŏk triu. Tang-dŏ pơtao sư noh pla ŭnh păng lu tang-wang gre sư kư̆m pla ŭnh.

Jo 11:1

Kon pơlei pơma jŏk, kơ tơdrong pơmat-tat anat anot. Kră Yang kơtơ̆ng tơdrong noh, Kră Yang hil mĭl, ŭnh đơ̆ng Kră Yang soh sa khơ̆ng lăm kon pơlei păng ŭnh sa đơ̆ng jih kơđông.

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

Both 4:24

Yua kơ Kră Yang 'Bok Kei-Dei iĕm thoi kơ ŭnh soh chhông păng jơ̆ Kră Yang 'Bok Kei-Dei băt kơ gar.

Both 9:3

Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Hêbrơ 10:27

pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

Hêbrơ 10:31

Na bơ̆n pơm ưh kơ 'blep trŏ kơ tơ'ngla mă arih ling-lang, hơmơt dêh hli kơ Sư phak.

II Pet 3:7

Mă dang ei Sư kư̆m pơkă khan wă pơrăm plĕnh pơrăm teh đak wă soh păng ŭnh. Truh năr Sư sek tơlang ning-mônh Sư pơrăm tơpă mơ̆n păng phak dôm lu bơngai mă ưh kơ lui kơ Sư lăm noh.