Hêbrơ 12:26 - Sơ̆p Hlabơar Nơ̆r 'Bok Kei-Dei

²⁶ Kơplah Sư pơma kơ lu bơngai noh sơ̆, nơ̆r Sư pơma pơm kơ teh adrŏ. Ahrei Sư khan thoi âu dơ̆ng: “Pă minh 'măng Inh pơm, ưh pă pơm kơdrô̆ teh boih; Inh wă pơm pơđĭ plĕnh păng teh hloi.”

Hêbrơ 12:26 ပူးပေါင်းရင်းမြစ်များ

Le 19:18

'Nhui gom jơ̆p kơ kông Sinai, yua kơ Kră Yang jur tơ lăm ŭnh: 'Nhui ŭnh noh tŏk tơ kơpal kơjung nhen thoi đơ̆ng tơnuh ŭnh tih păng jơ̆p kơ kông pơpơ̆ dêh.

Êsai 13:13

Na Inh gô pơm kơ plĕnh pơpơ̆ teh tơdrŏ đơ̆ng anih sư, yua kơ đơ̆ng Kră Yang Tih Hloh hil mĭl lăm năr Sư hil iung tơtŏ thoi ŭnh.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Jôel 3:16

Kră Yang ôr gơhuh đơ̆ng pơlei Siôn, Sư ôr pơret thoi grơ̆m glaih đơ̆ng Jêrusalem. Tơ kơpal plĕnh tơ ala teh pơpơ̆ tơdrŏ ngăl, mă-lei Sư bơih anih kon pơlei pơla Sư kơ'nơp gơnang, jing minh kơđông kơjăp kơ lu kon sâu Isơrael.

Habakuk 3:10

Lu đak glung ro hrĕnh! Kơdâu ôn tơ nai, Hơlŭng jrŭ ôr hơdrăi, kơđĕl dơsĭ yơ̆r ti kơjung thuơ.

Hagai 2:21

“Athei roi kơ Sôrôbabel, kuan pơgơ̆r Juđa, thoi âu: ‘Inh gô kơgŭ plĕnh păng teh.

Hagai 2:22

Inh gô blơ̆ lê̆ tang-dŏ pơtao lu dêh char, Inh pơrăm lê̆ tơdrong noh pơgơ̆r lu sư; Inh gô teh tơblơ̆ lê̆ gre păng lu bơngai hao lăm gre noh lu sư gô pơ̆k răm đơ̆ng đao sư kơdih.’ ”

Hêbrơ 12:27

Nơ̆r Sư pơkă, pă minh 'măng noh, wă khan, gô truh năr ei kơnh, Sư wă gơgŭ adrŏ plĕnh păng teh mă đêl Sư pơjing wă pơtôch boih, na dôm tơdrong mă ưh kơ gơh adrŏ, tơdrong noh oei ling-lang.

Lu 5:4

Ơ Kră Yang kơplah Ih lĕch đơ̆ng dêh Sêir, kơplah Ih yak rok char Eđôm, Na teh tơdrŏ, plĕnh tơjur đak 'mi. Hơmơ̆l tơjur đak 'mi.