Hêbrơ 11:7 - Sơ̆p Hlabơar Nơ̆r 'Bok Kei-Dei

⁷ 'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

Hêbrơ 11:7 ပူးပေါင်းရင်းမြစ်များ

Bl 19:14

Na Lot lĕch roi hloi kơ ŏng wă jê̆ oei kơ bre kon sư thoi âu: “Iung bĕ, lĕch đơ̆ng anih âu, yua kơ Kră Yang wă pơrăm boih pơlei âu.” Mă-lei bre kon ŏnga sư ngeh kơ Lot pơma hơnul.

Bl 6:13

Kră Yang 'Bok Kei-Dei khan kơ Nôê thoi âu: “Inh gô pơrăm đĭ kon bơngai, yua kơ đơ̆ng kon bơngai na teh âu 'bĕnh kơ tơdrong kơnê̆. Thoi noh inh gô pơrăm lu sư hơdai hăm teh.

Bl 6:22

Nôê pơm tôm tơdrong âu trŏ 'blep thoi Kră Yang 'Bok Kei-Dei đei pơkă.

Bl 6:9

Âu roi gah Nôê. Nôê lăm chăl arih sư jơ̆ minh 'nu bơngai 'lơ̆ng tơpăt, ưh kơ đei tơdrong glăi kiơ, sư kiơ̆ Kră Yang 'Bok Kei-Dei.

Bl 7:23

Đĭ-đăng adrĕch khŭl arih kơpal teh pơrăm pơlôch đĭ, đơ̆ng kon bơngai truh tơ kon sem brem, lu hơdrông kơep lep-ler, lu sem păr; lăp Nôê hăm lu bơngai, lu sem brem lăm duk đĕch oei arih.

Bl 7:5

Na Nôê pơm kiơ̆ tôm dôm lu nơ̆r đơ̆ng Kră Yang đei pơkă kơ sư.

Bl 8:16

“Lĕch bĕ iĕm đơ̆ng duk, akăn ih, kon ih hăm lu mŏ mai ih.

II Pot 4:5

Duch ei chu hloi, sư đe kon sư mơ̆t lăm hnam tang chơkăl lê̆ 'măng; lu kon drŏ-nglo sư ba ăn kơ sư bô̆i. Na duch ei tuh đak rơmă rim kơ bô̆i ei.

Jop 35:8

Tơdrong kơnê̆ ih lăp gơh pơrăm bơngai thoi ih, Tơdrong 'lơ̆ng tơpăt ih gơh tơgŭm kơ kon bơngai đĕch.

Tơdrông Pơđơk 22:3

Bơngai hơgei 'bôh đei tơdrong truh kơdâu weh. Bơngai kơwao kư̆ yak truh puh hloi lăm noh.

Tơdrông Pơđơk 27:12

Bơngai gơh hơgei đei tơdrong gleh băt weh ôn. Bơngai kơtul kơwao kư̆ năm tơ anăp, răp pŭ răm.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 14:20

Kră Yang Tih Hloh khan, tơpă thoi mă Inh arih ling-lang, mă khan đei Nôê, Đaniel hăm Jop oei lăm char noh, lu sư kư̆m ưh kơ gơh pơklaih kon drŏ-nglo dah kon drŏ-kăn lu sư ôh, lu sư lăp gơh pơklaih kơdih akâu sư đĕch yua kơ tơdrong tơpăt lu sư kơdih.

Êsêkiên 33:5

Yua kơ sư kơtơ̆ng boih keng re, mă ưh kơ kơchăng, pham sư gô tuh tơ kơdih sư, mă-lei tơdah sư kơchăng, sư gô pơklaih tơdrong arih sư.

Mathiơ 2:12

Lu 'bok pơjâu hnhoi sơnglŏng ei tep kơmăng apo 'bôh 'Bok Kei-Dei khan kơ lu sư khă kuă ăn wih tơ pơtao Hêrôt. Na lu sư iung wih trong nai, wih tơ pơlei lu sư kơdih.

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Mathiơ 24:25

Iĕm athei kơchăng kơdih, yua kơ Inh roi kơ iĕm tôm tơdrong hơdrol boih.

Mathiơ 24:38

Hơdrol kơ đak lip sơ̆, kon bơngai oei sa et pơrŏ tơdrong iŏk klo kăn, tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i.

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Luka 17:26

“Na Inh Kon Bơngai gô jur ning-mônh thoi lĕ đak lip kơplah jơhnơr Nôê sơ̆.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 10:6

Mă-lei tơdrong lui kơ Yêsu wă kơ 'lơ̆ng hăm 'Bok Kei-Dei ưh kơ anat ôh. Bơ̆n băt ưh kơ anat, na bơ̆n 'nĕ kơ pơma khan: Năm bĕ, bu tŏk krao kơ bơ̆n Yêsu đơ̆ng plĕnh,

Rom 3:22

'Bok Kei-Dei jô̆ đĭ-đăng kon bơngai jing 'lơ̆ng yua kơ sư lui kơ Yêsu Krist. Yua kơ thoi noh na dang ei bơ̆n băt boih đĭ-đăng bơngai dang ăi đĕch;

Rom 4:11

'Bok Kei-Dei athei Abraham kăt tơdra akar sơ̆, wă kơ tơbăt tơdra tơdrong 'Bok Kei-Dei jô̆ sư bơngai 'lơ̆ng tơpăt yua kơ sư lui păng gơnang kơ 'Bok Kei-Dei tơpă. 'Bok Kei-Dei athei Abraham pơm thoi noh wă kơ Abraham pơm 'bă kơ 'bar khŭl bơngai. Khŭl mă mônh lu bơngai ưh kơ kăt tơdra akar, mă-lei 'Bok Kei-Dei kư̆m jô̆ sư bơngai 'lơ̆ng tơpăt yua kơ lu sư lui păng gơnang kơ 'Bok Kei-Dei tơpă.

Rom 4:13

Sơ̆ 'Bok Kei-Dei pơkă khan wă ăn kơ Abraham păng lu kon sâu sư pơgơ̆r jơ̆p kơ teh đak. 'Bok Kei-Dei pơkă kơ Abraham thoi noh sơ̆ yua kơ Abraham lui păng gơnang kơ 'Bok Kei-Dei tơpă, na 'Bok Kei-Dei jô̆ sư bơngai 'lơ̆ng tơpăt; ưh kơ sĭ yua kơ Abraham kĕ kiơ̆ tôm tơdrong juăt Sư pơkă ôh.

Rom 9:30

Thoi noh na lu bơngai tơmoi nai mă ưh kơ khŭl Isơrael, sơ̆ lu sư ưh kơ băt chă tơdrong pơm 'lơ̆ng hăm 'Bok Kei-Dei thoi yơ ôh, mă-lei 'Bok Kei-Dei kư̆m 'mêm kơ lu sư mơ̆n, kư̆m jô̆ lu sư bơngai 'lơ̆ng. Lu bơngai noh wă khan dôm lu bơngai khŭl nai mă oei gơnang kơ Yêsu.

Galati 5:5

Mă-lei gah bơ̆n, bơ̆n băt Kră Yang 'Bok Kei-Dei jô̆ bơ̆n bơngai 'lơ̆ng tơpăt hăm Sư năr tôch ning-mônh yua kơ Yang Bơhngol 'Lơ̆ng ăn kơ bơ̆n lui păng gơnang kơ Kon Sư Yêsu Krist.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Hêbrơ 11:1

Bơngai đon lui, sư băt tơpă kơ sư gô đei. Tơdrong sư ưh kơ gơh 'bôh sư kư̆m băt kơ đei mơ̆n.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

II Pet 2:5

Chăl Nôê sơ̆, 'Bok Kei-Dei kư̆m phak đĭ-đăng kon bơngai ala teh ưh kơ lui kơ Sư, Sư phak hăm đak lơ̆p jơ̆p-jang kơ teh. Sư pơklaih pôm Nôê, yua kơ Nôê sư bơtho khan gah tơdrong tơpăt păng tơpơh 'nu hnam dơnŏ sư.

II Pet 3:6

Sơ̆ Sư wă pơrăm teh, ăn đak lơ̆p jơ̆p-jang, teh jing răm hloi tơpă.