Hêbrơ 11:5 - Sơ̆p Hlabơar Nơ̆r 'Bok Kei-Dei

⁵ 'Bok Ênŏk sơ̆ kư̆m lei-lăi, sư đei đon lui na 'Bok Kei-Dei atŏk sư tơ plĕnh đơ̆ng sư oei arih, na đe chă sư ưh kơ 'bôh yua kơ 'Bok Kei-Dei iŏk sư boih. Hơdrol kơ 'Bok Kei-Dei wă iŏk sư, 'Bok Kei-Dei băt kơ sư đei đon lui na 'Bok Kei-Dei lăp đon wă iŏk sư.

Hêbrơ 11:5 ပူးပေါင်းရင်းမြစ်များ

II Pot 2:1

Kră Yang wă pôk atŏk Êli hăm phŭt gơhnŏk huơ̆r, bre Êli păng Êlisê lĕch đơ̆ng Pơlei Gilgal.

II Pot 2:11

Kơplah bre sư oei nơnăm rah pơma dơnuh rah na 'bôh đei minh pôm gre aseh ŭnh păng aseh kư̆m ŭnh jur plah tơklah lê̆ bre sư; Êli phŭt gơhnŏk pôk ba sư tŏk tơ plĕnh.

Horiso 89:48

Bu gơh arih hloi mă ưh kơ đei lôch? Bu gơh dŏng pơklaih bơhngol sư kơdih dơ̆ng dêh atâu pơgơ̆r.

Je 36:26

Pơtao rai wơh Jêrahmêel kon drŏ-nglo pơtao, Sêraia kon drŏ-nglo Asriel păng Sêlemia kon drŏ-nglo Apđeel năm wă rôp chô̆ Baruk 'bok chih hla bơar păng Jêrêmi bơngai khan lê̆ adrol. Mă-lei Kră Yang ôn lê̆ bre sư.

Luka 2:26

Yang Bơhngol 'Lơ̆ng tơbăt ăn kơ sư, hơdrol sư lôch sư gô 'bôh 'Bok Krist mă 'Bok Kei-Dei wơh wă pơklaih kon bơngai bơ̆n.

Luka 3:37

Lamek kon Matusêla. Matusêla kon Ênŏk. Ênŏk kon Jarêt. Jarêt kon Mêlêên. Mêlêên kon Kainan.

I Tes 2:4

Sơ̆ 'Bok Kei-Dei pơlong nhôn, na ăn kơ nhôn bơtho tơdrong 'nao 'lơ̆ng Sư. Yua kơ thoi noh na nhôn bơtho iĕm. Nhôn bơtho tơdrong Sư, ưh kơ sĭ wă kơ kon bơngai lăp đon kơ nhôn ôh. Nhôn wă kơ 'Bok Kei-Dei lăp đon kơ nhôn. Nhôn bơtho tơdrong Sư, ưh kơ sĭ thoi kon bơngai tơchĕng 'maih ôh, nhôn bơtho kiơ̆ thoi 'Bok Kei-Dei wă. 'Bok Kei-Dei pơlong lăng nhôn ling-lang wă băt kơ nhôn pơm trŏ dah ưh.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.

I Yo 3:22

Bơ̆n gĭt tơdrong kiơ, bơ̆n krao khan apinh 'Bok Kei-Dei, Sư gô asong ăn kơ bơ̆n tơpă, kơlih kơ bơ̆n răk dôm tơdrong Sư pơkă păng pơm trŏ dôm tơdrong thoi Sư wă.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,