Hêbrơ 11:36 - Sơ̆p Hlabơar Nơ̆r 'Bok Kei-Dei

³⁶ Lu mơ'nah dơ̆ng, đe che bơle kơ sư, teh sư păng sơnguĕt tơlei, chô̆ sư păng tơlei glang mam, tah sư tơ lăm hnam phak, mă-lei sư kư̆m ưh kơ chu lê̆ 'Bok Kei-Dei.

Hêbrơ 11:36 ပူးပေါင်းရင်းမြစ်များ

Bl 39:20

Na rôp hloi Jôsep tah hloi lăm hnam phak, tơ anih mă phak lu bơngai pơm yoch hăm 'bok pơtao. Thoi noh Jôsep oei lăm hnam phak.

I Pot 22:24

Kơplah noh Sêđekia, kon drŏ-nglo Kênaana, năm jê̆ Mikai, tap tơ'bŏk sư, na khan: “Yang bơhngol Kră Yang lĕch đơ̆ng inh trong ayơ, mă năm khan kơ ih?”

I Pot 22:27

khan: “Pơtao khan thoi âu: Rôp chĭt bơngai 'nâu lăm hnam bơnă, iŏk 'bĕng păng đak tŏ sĕt, rong pơmat sư dĭng truh năr inh brŏk hiôk-hian.”

II Pot 2:23

Êlisê weh đơ̆ng Pơlei Jêrikô noh, sư năm tơ Bethel. Kơplah sư năm rok trong, tơ'bơ̆p lu hơ'lơ̆p drŏ-nglo, lu hơ'lơ̆p ei che bơle pơjăm sư khan: “Ơ 'bok klĕng hok, năm bĕ ơ 'bok klĕng hok, năm bĕ!”

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

II Ho 18:26

na khan: “Pơtao khan thoi âu: ‘Athei phak bơngai âu păng ăn kơ sư lăp 'bĕng sa đak nhă đĕch dĭng truh tơ inh wih brŏk hiôk-hian.’ ”

II Ho 30:10

Lu bơngai mă năm ba hla bơar năm tơ jơ̆p-jang đơ̆ng pơlei âu truh tơ pơlei nai lăm teh đak Êphraim, Manase păng truh tơ teh đak Sabulôn, đei bơngai hiĕk ăr che bơle kơ lu sư.

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Je 20:2

Phashur rôp teh tôn Jêrêmi bơngai khan lê̆ adrol, hơnuh lê̆ jơ̆ng sư 'bơ̆t 'Măng Jang kơpal Bênjamin gah hnam akŭm Kră Yang.

Je 20:7

Ơ Kră Yang, Ih pơhlŭ inh boih, inh chu iŏk boih dôm tơdrong Ih pơgŏ, Ih pơjuă pơđep inh păng jei Ih boih. Inh arih pơm kơ đe hiĕk ăr kơ inh prăt năr. Rim bơngai hiĕk pơjăm inh.

Je 29:26

Kră Yang đei jao ăn kơ ih boih pơm 'bok soi tơplih kơ Jêhôiada wă pơgơ̆r wei-lăng hnam akŭm Kră Yang Ih gơh athei đe rôp hơnuh ako, rôp jơlŏng lê̆ jơ̆ng, tơdah bu mă wơnh khan lê̆ adrol

Je 32:8

Hanamel, kon drŏ-nglo ma inh, trŏ thoi nơ̆r Kră Yang khan năm tơ'bơ̆p inh tơ anih cham lu linh gak păng khan: “Apinh ih huai iŏk mir na inh tơ Anathôt, lăm char Bênjamin, yua kơ ih trŏ kơ gơh răt iŏk mir noh. Ih răt iŏk bĕ.” Na inh băt noh jĭ nơ̆r Kră Yang.

Je 36:6

Thoi noh ih athei năm mơ̆t tơ lăm hnam Kră Yang, lăm năr đe ơ̆t kơ sŏng sa, đŏk kơ kon pơlei pơla mơ̆ng dôm nơ̆r Kră Yang, inh roi ăn kơ ih chih tơ lăm sơnôm hla bơar noh. Ih kư̆m athei đŏk ăn kơ kon pơlei Juđa mă 'nao truh đơ̆ng pơlei lu sư mơ̆ng mơ̆n.

Je 38:28

Jêrêmi đe chĭt lăm cham anih lu linh gak dĭng truh tơ năr đe blah iŏk pơlei Jêrusalem.

Je 39:15

Kră Yang khan kơ Jêrêmi kơplah đe oei phak sư lăm anih cham lu linh gak:

Da 11:33

Lu bơngai hơgei hlôh wao gô bơtho lơ bơngai; mă-lei lu sư gô lôch kơ đao, lôch kơ ŭnh, lôch kơ đe phak lôch kơ đe plah tơgar lăm đunh sơnăm dêh.

Mathiơ 20:19

păng jao Inh kơ lu bơngai dêh đe pơlôch. Lu dêh đe ei gô hiĕk achơ̆ kơ Inh păng teh tach pơjĭ Inh, klaih kơ noh sư pơ̆ng pơlôch hloi tơ 'long pơglang. Mă-lei kơtĕch pêng năr đơ̆ng rŏng Inh gô iung arih dơ̆ng.”

Mathiơ 21:35

Mă-lei lu bơngai jang mơng rôp lu đĭch đam sư, mơ'nah sư tôn teh, mơ'nah sư pơlôch, mơ'nah sư klơ̆m păng tơmo.

Mathiơ 23:34

Inh gô wơh lu bơngai pơtruh nơ̆r 'Bok Kei-Dei, lu bơngai hơgei, lu bơngai pơm 'bok bơtho năm bơtho iĕm, na 'blep kơ lu iĕm rôp pơlôch, mơ'nah iĕm pơ̆ng tơ 'long pơglang, mơ'nah iĕm teh tach lu sư păng sơnguĕt lăm hnam akŭm iĕm. Păng iĕm kư̆m pơpuh lu sư jăk đơ̆ng pơlei âu pơlei to.

Mathiơ 27:26

Thoi noh boih na Pilat tơlĕch ăn kơ lu sư 'Barra'ba; sư athei lu linh sư teh tach Yêsu păng sơnguĕt păng pơjao kơ lu linh sư pơ̆ng pơlôch Yêsu tơ 'long pơglang.

Markôs 10:34

Lu dêh đe ei gô hiĕk achơ̆ kơ Inh, kơsoh pơ'brơh kơ Inh đak hai păng teh tach pơjĭ Inh, klaih kơ noh pơlôch hloi. Mă-lei kơtĕch pêng năr đơ̆ng rŏng Inh gô iung arih dơ̆ng.”

Luka 18:32

Đe gô jao Inh kơ lu bơngai đơ̆ng dêh đe tơmoi. Lu bơngai đơ̆ng dêh đe tơmoi pơma che bơle achơ̆ achĕch kơ Inh, kơsoh pơ'brơh kơ Inh đak hai.

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Luka 23:36

Lu linh che bơle kơ Yêsu mơ̆n. Lu sư năm tơ Yêsu pơm ăn kơ Sư sik athei et.

Jang 21:33

'Bok tih linh năm tơ Pôl athei hloi lu linh rôp chô̆ sư hăm tơlei glang mam 'bar dăng. Na đơ̆ng noh sư jet: “Anăn sư bu 'nâu? Sư pơm tơdrong kiơ?”

Jang 24:27

Đơ̆ng rŏng kơ noh 'bar sơnăm Phêtus tơplih Phêlik pơm kuan tih. Phêlik wă kơ lu bơngai Juđê lăp đon kơ sư, na sư ưh kơ tơlĕch Pôl đơ̆ng hnam phak.

Jang 4:3

Na lu sư rôp tah bre sư lăm hnam phak yua kơ kơsơ̆ boih, ưh kơ tam sek tơlang.

Jang 5:40

Kơtơ̆ng thoi noh lu bôl kră sek tơlang chu sư. Lu sư krao jơ̆ng 'bang Yêsu mơ̆t hloi athei lu linh teh lu sư. Klaih kơ noh đe khă lu sư bơtho tơdrong Yêsu dơ̆ng, tơlĕch hloi lu sư.

Jang 8:3

Mă-lei Sôl pơm kơnê̆ kơ lu bơngai lui wă kơ lu sư hiong răm. Sư năm jơ̆p jơ̆p mơ̆t tơ hnam đe, rôp lu bơngai lui kơ Yêsu, bơngai drŏ-nglo drŏ-kăn, tah hloi lu sư lăm hnam phak.

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

II Tim 1:16

Inh krao khan kơ Kră Yang 'Bok Kei-Dei apinh Sư mơnat kơ hnam dơnŏ Ônêsip yua kơ lơ 'măng boih sư năm hơpong tơ inh, na jơhngơ̆m inh hiôk tơpă. Sư ưh kơ mơlâu kơ đe phak inh ôh.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

Hêbrơ 10:34

Iĕm băt mơnat kơ lu bôl iĕm đe tah lăm hnam phak, iĕm băt kơ năm ngôi hơpong tơ lu sư. Đe tơpleh iŏk mŭk tơmam iĕm, iĕm mơ̆ng đĕch huay kơ sơ'ngon tơdrong kiơ, yua kơ iĕm băt kơ iĕm gô đei mŭk tơmam tơ kơpal plĕnh ti 'lơ̆ng hloh păng ưh kơ băt hiong tăm.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Lu 16:25

Wă jơhngơ̆m lu sư hiôk chơt, lu sư ôr re khan: Hơtŏk Samsơn tơ âu bĕ, wă kơ sư pơpơm pơchơt kơ lu bơ̆n. Lu sư dui Samsơn lĕch đơ̆ng lăm hnam bơnă, na Samsơn pơpơm pơchơt 'bơ̆t anăp kon pơlei pơla. Lu sư ăn kơ Samsơn dơ̆ng 'bơ̆t tŏk-bŏk lu jrăng hnam đe akŭm.