Hêbrơ 11:32 - Sơ̆p Hlabơar Nơ̆r 'Bok Kei-Dei

³² Na inh wă pơma kiơ dơ̆ng, inh pơma dôm noh iĕm hlôh boih. Inh roi kơ iĕm tôm tơdrong Gêdêôn, Barak, Samsŏng, Jêpti, Đawit, Samuel păng lu 'bok pơtruh nơ̆r 'Bok Kei-Dei sơ̆, mă inh ưh kơ wăn.

Hêbrơ 11:32 ပူးပေါင်းရင်းမြစ်များ

Horiso 99:6

Lăm lu 'bok soi Sư, đei Môis păng Arôn; Lăm lu bơngai krao apinh hăm anăn Sư đei Samuel; Lu sư krao apinh Kră Yang păng Sư đei tơl tơwih.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Luka 13:28

Na lu iĕm gô hmoi tơkăp hơnĕnh pơmat-tat, yua kơ iĕm gô 'bôh Abraham, Isăk, Jakôp păng đĭ-đăng lu bơngai pơtruh nơ̆r 'Bok Kei-Dei sơ̆ tơ dêh char 'Bok Kei-Dei ning-mônh, mă-lei iĕm ưh kơ gơh năm tơ ei ôh.

Luka 16:31

Na Abraham khan: ‘Dah lu sư ưh kơ wă mơ̆ng lu đe bơtho tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei, mă sư 'bôh bơngai iung arih đơ̆ng lôch, sư kư̆m ưh kơ lui 'mơ̆i.’ ”

Yo 21:25

Tơdrong Yêsu pơm oei lơ tơdrong nai ră mơ̆n. Dah bơ̆n chih roi tôm tơdrong Sư pơm, inh tơchĕng teh âu hrăt ưh kơ gơh 'măn sơ̆p hla bơar ră roi tơdrong Sư pơm.

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 3:24

Đĭ-đăng bơngai pơtruh nơ̆r 'Bok Kei-Dei sơ̆ jô̆ đơ̆ng 'bok Samuel kư̆m khan lê̆ hơdrol gah tơdrong Yêsu mă bơ̆n 'bôh dang ei.

Rom 3:5

Bơ̆n 'bôh tôm tơdrong 'Bok Kei-Dei pơm 'lơ̆ng tơpăt ngăl boih, na bơ̆n 'nĕ tơchĕng khan, bơ̆n pơm kơnê̆ kư̆m bưh, wă kơ đe kơnăl kơ 'Bok Kei-Dei pơm 'lơ̆ng tơpăt păng wă kơ đe kơnăl kơ 'Bok Kei-Dei Sư ưh kơ pơm kơnê̆ thoi kon bơngai. Bơ̆n pơm kơnê̆ noh na đe gô ư-ang kơ 'Bok Kei-Dei rai tih, na dah 'Bok Kei-Dei wă phak bơ̆n ning-mônh noh Sư wă hơlĕnh đĕch yua kơ bơ̆n dang ư-ang anăn Sư kơ đe boih. Bơ̆n 'nĕ tơchĕng tơdrong noh khan trŏ, ưh ôh hŏ. Kon bơngai bơ̆n đĕch tơchĕng khan trŏ.

Rom 4:1

Bĭ gah tơdrong Abraham sơ̆, 'bok tơm lu bơ̆n bơngai Juđê, bơ̆n tơchĕng tơdrong sư thoi yơ?

Rom 6:1

Bơ̆n đei tơdrong yoch tih, mă-lei đei 'Bok Kei-Dei 'mêm kơ bơ̆n rai dêh. Mă-lei bơ̆n 'nĕ tơchĕng khan, lê̆ bơ̆n pơm yoch khŏm khŏm kư̆m bưh wă kơ 'Bok Kei-Dei 'mêm kơ bơ̆n rai hloh kơ noh, ưh ôh hŏ.

Rom 7:7

Mă-lei iĕm 'nĕ tơchĕng khan inh jô̆ kơ tơdrong juăt 'Bok Kei-Dei pơkă ưh kơ 'lơ̆ng, ưh ôh hŏ. Tơdrong juăt 'Bok Kei-Dei pơkă 'lơ̆ng tơpă. Sư tơbăt ăn kơ bơ̆n đei tơdrong yoch. Tơ̆ng bơ̆n ưh kơ đei tơdrong juăt 'Bok Kei-Dei pơkă, lei bơ̆n ưh kơ băt bơ̆n đei tơdrong yoch ôh. Pơtih gia kơ akâu inh kơdih thoi âu: Sơ̆ inh ưh kơ băt kơ tơdrong juăt 'Bok Kei-Dei khă kuă ăn bơ̆n 'nhĕng mŭk tơmam đe, mưh 'nhĕng jing yoch tơpă; na inh ưh kơ băt kơ tơdrong 'nhĕng noh yoch.

Ya 5:10

Ơ 'nhŏng oh, bơ̆n athei adrin pơm kiơ̆ thoi lu bơngai pơtruh nơ̆r 'Bok Kei-Dei sơ̆ bĕ; yua kơ sơ̆ đe pơm kơ lu sư lơ tơdrong pơmat-tat, mă-lei lu sư ưh kơ achăng lê̆ tơdrong lui ôh.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

II Pet 3:2

Inh wă kơ iĕm 'blŏk hơdơ̆r kơ dôm tơdrong lu bơngai pơtruh nơ̆r 'Bok Kei-Dei lu sư khan lê̆ hơdrol sơ̆. Păng inh wă kơ iĕm 'blŏk hơdơ̆r kơ tơdrong Yêsu Krist pơkă kơ lu jơ̆ng 'bang Sư na lu sư bơtho tơbăt kơ iĕm dơ̆ng, yua kơ Yêsu Krist boih Kră Yang bơ̆n kư̆m 'Bok Dŏng Pơklaih bơ̆n mơ̆n.

Lu 13:24

Bơngai drŏ-kăn noh tơpŭ kơ minh 'nu kon drŏ-nglo, sư krao anăn Samsơn. Bơngai 'lơ̆p 'noh wơ̆ 'lŏ, Kră Yang ăn tơdrong pŭn hiôk kơ sư.

Lu 15:20

Samsơn kơplah lăm chăl kon pơlei Philistin pơgơ̆r. Samsơn pơm 'bok sek tơlang kơ bơngai Isơrael lăm 'bar-jĭt sơnăm.

Lu 4:1

Đơ̆ng rŏng kơ Êhut lôch boih, na kon pơlei Isơrael pơm kơnê̆ dơ̆ng 'bơ̆t anăp Kră Yang.

Lu 6:1

Lu bơngai Isơrael pơm tơdrong kơnê̆ dơ̆ng 'bơ̆t anăp Kră Yang; na Kră Yang jao lu sư lăm ti kon pơlei Miđian lăm tơpơh sơnăm.

Lu 6:11

Linh jang 'lơ̆ng Kră Yang năm ngôi tơ ala yơ̆p 'long kôih tơ pơlei Ôphra, lăm dêh char Jôas, adrĕch bơngai Abierit kơplah noh Giđêôn kon drŏ-nglo Jôas, oei pơjuă ba tơ anih đe hơmet đak hơmu wă ôn kơ lu bơngai Miđian.

Lu 6:14

Kră Yang wih lăng tơ sư păng khan: Năm bĕ yua hăm jơhngơ̆m pran kơtang ih đei boih năm dŏng pơklaih lu bơngai Isơrael đơ̆ng ti kon pơlei Miđian. Hăm trŏ Inh oei wơh ih năm dah ưh?

I Sam 1:20

Na truh tơ Hana anăp na tơpŭ kơ minh 'nu kon drŏ-nglo. Krao anăn sư Samuel,b yua kơ sư đei khan, inh đei apinh bơih sư đơ̆ng Kră Yang.

I Sam 12:11

Kră Yang wơh hĭ Jêrup Baal, Barak, Jeptha păng Samuel; lu sư dŏng pơklaih lu iĕm đơ̆ng ti lu ayăt tăp dăr kơ lu iĕm, ăn kơ lu iĕm oei arih hiôk-hian.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 16:13

Samuel iŏk hơke đak rơmă, tuh ăn kơ Đawit mă oei tơm măt lu 'nhŏng oh sư. 'Bơ̆t noh hloi Yang Bơhngol 'Lơ̆ng Kră Yang oei hơdai Đawit ling-lang hloi. Samuel iung brŏk tơ Rama.

I Sam 17:45

Đawit khan kơ bơngai Philistin: Ih chĕp đao, năm blah inh, gah inh; inh yua anăn Kră Yang Tih Hloh, noh Kră Yang 'Bok Kei-Dei lu linh bơngai Isơrael, mă lu iĕm pơjăm pơjuă.

I Sam 2:11

Đơ̆ng noh Êlkana wih brŏk tơ pơlei sư tơ Rama, kon hơ'lơ̆p noh oei tơ noh bơ̆jang kơ Kră Yang 'bơ̆t anăp Hêli 'bok soi.

I Sam 2:18

Gah Samuel bơ̆jang 'bơ̆t anăp Kră Yang, sư oei 'lơ̆p, hrŭk ao Êphôt đe tanh hăm brai se.

I Sam 2:4

Hră lu bơngai kơtang tơgơ̆ bơih, mă-lei lu bơngai tơrăn oei đei jơhngơ̆m pran kơtang.