Hêbrơ 11:31 - Sơ̆p Hlabơar Nơ̆r 'Bok Kei-Dei

³¹ Yă Rahap sơ̆ sư bơngai đi, đơ̆ng rŏng sư đei đon lui, na sư huay kơ lôch hơdai hăm lu bôl sư bơngai mă ưh kơ lui kơ 'Bok Kei-Dei, yua kơ sư sơng iŏk lu bơngai Isơrael, lu mă năm lăng tông pơlei sư ki.

Hêbrơ 11:31 ပူးပေါင်းရင်းမြစ်များ

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Mathiơ 1:5

Salmôn hăm akăn sư Rahap pơjing đei kon drŏ-nglo, anăn sư Bôas. Bôas hăm akăn sư Rut kư̆m pơjing đei kon drŏ-nglo anăn sư Ôbêt, Ôbêt pơjing Jesê.

Jang 15:33

Bre sư oei tơ Pơlei Antiôs kư̆m đunh 'biơ̆ mơ̆n. Klaih kơ noh lu bơngai lui pơjao tơdrong bơnê kơ bre sư. Na bre sư brŏk tơ lu bơngai lui tơ Pơlei Jêrusalem.

Hêbrơ 3:18

Bĭ Sư khan: Iĕm ưh kơ gơh layơ wă mơ̆t pơdơh tơ dêh char Inh, noh Sư hil kơ đe bu? Sư hil kơ lu bơngai mă ưh kơ chu Sư.

Ya 2:25

Na tơdrong yă Rahap sơ̆ kư̆m lei-lăi, sư bơngai đi mă-lei đơ̆ng rŏng 'Bok Kei-Dei kư̆m jô̆ sư bơngai 'lơ̆ng, yua kơ sư kiơ̆ tơdrong lui, sư sơng iŏk lu bơngai Isơrael đơ̆ng Jôsuê wơh năm dăr kơleng teh đak sư păng bơtho tơ'bôh kơ lu sư brŏk trong nai wă kơ lu buăl sư huay kơ rôp lu bơngai noh.

Jôsuê 1:1

Đơ̆ng rŏng kơ Môis đĭch đam Kră Yang lôch boih, Kră Yang bơtho khan kơ Jôsuê đam kơiĕng Môis, kon drŏ-nglo Nun.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

I Pet 3:20

Lu bơngai noh sơ̆ lu sư ưh kơ chu lui kơ 'Bok Kei-Dei kơplah Nôê oei pơm duk sơ̆. 'Bok Kei-Dei chang gô lu sư lui ră, mă-lei lu sư kuă kơ lui. Lăp tơhngam 'nu đĕch lui kơ 'Bok Kei-Dei, lu sư mơ̆t lăm duk na huay kơ lôch kơ đak lơ̆p.