Hêbrơ 11:29 - Sơ̆p Hlabơar Nơ̆r 'Bok Kei-Dei

²⁹ Lu bơngai Isơrael đei đon lui, na kơplah lu sư găn đak dơsĭ 'brê sơ̆, lu sư yak thoi lĕ kơ yak kơpal teh hrĕng kro đĕch. Mă-lei lăp lu bơngai Êyiptơ găn kiơ̆, lu sư glơ̆k lôch đĭ hloi.

Hêbrơ 11:29 ပူးပေါင်းရင်းမြစ်များ

Ne 9:11

Ih tơklah lê̆ đak dơsĭ 'bơ̆t anăp lu sư. Lu sư yak tŏk-bŏk đak dơsĭ hlôi thoi nơnăm kơpal teh hrĕng kro, bĕ lu bơngai druh, Ih klơ̆m lê̆ lu sư tơ sơlŭng jrŭ, nhen thoi klơ̆m tơmo lăm đak tih.

Horiso 66:6

Sư tơplih đak dơsĭ jing teh hrĕng kro. Kon bơngai yak jơ̆ng tŏk kơ đak krong. Bĕ bơ̆n chơt hiôk lăm Sư.

Horiso 78:13

Kră Yang blă lê̆ đak dơsĭ ăn kơ lu sư tŏk rok, Pơm ăn kơ đak dơ̆ng minh 'bôt tơbơ̆ng thoi dur.

Le 14:13

Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng.

Le 14:22

kon pơlei Isơrael jur lăm đak dơsĭ, yak năm thoi kơpal teh hrĕng; na đak pĕng thoi bơnơ̆ tơ 'bar pah gah 'ma păng gah 'ngiĕo kơ lu sư.

Le 14:27

Thoi noh Môis yơ̆r ti sư hloi tơ đak dơsĭ, kiơ̆ pơgê oei hrôih, na đak dơsĭ hơlơ̆k klơ̆p thoi đêl, lu bơngai Êyiptơ kơdâu weh ră mă-lei Kră Yang tơlơ̆ pơlôch đĭ lu sư lăm đak dơsĭ.

Jôsuê 2:10

Lu nhôn kư̆m băt hơdah, lu iĕm lĕch đơ̆ng char Êyiptơ, Kră Yang pơm ăn kơ đak Dơsĭ 'Brê hrơ̆, tơ'bôh hơdah 'bơ̆t anăp lu iĕm păng lu iĕm đei pơm boih kơ Sihôn păng Ôk, 'bar 'nu pơtao Amôrit, gah to đak Krong Jôrđăn, mă lu iĕm đei pơlôch pơrăm đĭ boih.