Hêbrơ 11:27 - Sơ̆p Hlabơar Nơ̆r 'Bok Kei-Dei

²⁷ Yua kơ sư đei đon lui, na sư jăk achăng lê̆ dêh Êyiptơ. Sư ưh kơ hli kơ 'bok pơtao hil kơ sư ôh, sư kư̆ kơ năm hloi, yua kơ sư dang lĕ 'bôh akâu 'Bok Kei-Dei mă bơ̆n ưh kơ 'bôh.

Hêbrơ 11:27 ပူးပေါင်းရင်းမြစ်များ

Horiso 16:8

Inh 'măn Kră Yang ling-lang 'bơ̆t anăp inh; Inh ưh kơ đei hli kiơ, yua kơ Sư oei gah 'ma kơ inh.

Le 11:8

Đĭ-đăng lu đĭch đam ih gô năm truh tơ inh, kơkuh 'bơ̆t anăp inh khan: Năm bĕ, ih hăm đĭ-đăng kon pơlei kiơ̆ ih! Đơ̆ng noh inh gô năm. Môis lĕch hloi đơ̆ng Pharaôn lăm jơhngơ̆m sư ơh blĕk dêh tơpă.

Le 12:11

Lei iĕm sa 'nhĕm noh thoi âu: Gơhret tơlei tơ̆n mă kơjăp, jơ̆ng 'bot chơkhŏ, ti chĕp 'long jra, sa hăt hot; 'noh wă khan năr giĕng Kră Yang Năm Brih.

Le 12:50

Đĭ-đăng kon pơlei Isơrael lu sư pơm kiơ̆ thoi noh; kiơ̆ thoi Kră Yang tơtă ăn kơ Môis păng Arôn boih.

Le 4:19

Kră Yang khan hăm Môis tơ Mađian thoi âu: Wih bĕ tơ dêh Êyiptơ, yua kơ dôm lu bơngai mă chă wă pơlôch ih lôch đĭ boih.

Mathiơ 10:22

Đĭ-đăng bơngai gô areh arĕnh kơ iĕm yua kơ tơdrong jang Inh. Thoi noh bu wă adrin lui kơ Inh truh tôch, bơngai 'noh gô klaih.

Mathiơ 24:13

Mă-lei dah bu adrin lui kơ Inh truh năr tôch, bơngai 'noh gô klaih.

Markôs 13:13

Đĭ-đăng kơ bơngai gô areh arĕnh kơ iĕm yua kơ iĕm lui kơ Inh. Thoi noh bơngai bu adrin lui kơ Inh truh năr tôch, bơngai 'noh gô klaih.

Markôs 4:17

Kư̆m đei ră tơnơm 'ba, mă-lei rơh sư chăt ưh kơ jrŭ, sư jing jô lôch hloi. 'Noh wă khan lu sư dang đei ră đon lui, mă-lei ưh kơ đunh, lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Jang 2:25

Đawit khan lê̆ hơdrol gah tơdrong Yêsu thoi âu: ‘Inh băt Kră Yang 'Bok Kei-Dei oei păng Inh ling-lang, Sư oei jê̆ Inh wă kơ Inh huay kơ hli.

I Kor 13:7

Bơngai bu băt 'mêm kơ 'Bok Kei-Dei hăm bôl buăl sư, mă đe pơm kơnê̆ kơ sư, sư oei 'mêm kơ đe; đe areh kơ buăl sư mă-lei sư oei lui kơ nơ̆r buăl sư; păng sư lui kơ 'Bok Kei-Dei wei-lăng sư lăm tôm tơdrong khŏm khŏm; mă đei tơdrong gleh pơmat-tat, sư oei khŏm adrin lui 'mơ̆i.

II Kor 4:18

Tơdrong kiơ mă bơ̆n gơh 'bôh, nhôn ưh kơ tơchĕng ôh; nhôn tơchĕng kơ tơdrong mă bơ̆n ưh kơ gơh 'bôh, yua kơ dôm tơdrong măt bơ̆n gơh 'bôh sư hiong tôch, ưh kơ gơh oei ling-lang ôh. Pôm tơdrong măt bơ̆n ưh kơ gơh 'bôh đĕch, gơh oei ling-lang ưh kơ layơ tôch.

Kôlôsê 1:15

Sư hơbŏ thoi 'Bă Sư 'Bok Kei-Dei Kră Yang mă bơ̆n ưh kơ gơh 'bôh. Kon Sư đei đơ̆ng blŭng-a sơ̆ adrol kơ đĭ-đăng tôm tơdrong.

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Hêbrơ 10:32

Iĕm athei 'blŏk kơ năr hơdrol, năr mă iĕm pơtơm lui sơ̆. Hlôi iĕm kơtơ̆ng tơdrong Yêsu Krist boih, na iĕm lui kiơ̆ hloi, iĕm đei iŏk tơdrong gleh đe pơm pơmat iĕm, mă-lei iĕm oei adrin lui khŏm khŏm 'mơ̆i.

Hêbrơ 11:1

Bơngai đon lui, sư băt tơpă kơ sư gô đei. Tơdrong sư ưh kơ gơh 'bôh sư kư̆m băt kơ đei mơ̆n.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.