Hêbrơ 11:23 - Sơ̆p Hlabơar Nơ̆r 'Bok Kei-Dei

²³ Mĕ 'bă Môis kư̆m đei đon lui, na lăp bre sư tơpŭ kơ nge Môis, na bre sư lăng nge 'noh 'bak 'lơ̆ng, na bre sư ôn nge 'noh truh tơ pêng khei, kơlih kơ kơplah noh 'bok pơtao chă pơlôch đĭ lu kon nge drŏ-nglo. Mă-lei mĕ 'bă Môis ưh kơ hli kơ 'bok pơtao ôh. Jơhngơ̆m bre sư oei hiôk đĕch.

Hêbrơ 11:23 ပူးပေါင်းရင်းမြစ်များ

Horiso 118:6

Kră Yang oei hơdai inh, inh ưh kơ đei hli kiơ; Kon bơngai gơh pơm kiơ kơ inh?

Horiso 56:4

Inh hơmĕng kơ Kră Yang 'Bok Kei-Dei păng hơri bơnê kơ nơ̆r Sư. Inh lui gơnang kơb Kră Yang 'Bok Kei-Dei, inh ưh kơ đei hli kơ kiơ. Kon bơngai sĕch akar gô pơm kiơ kơ inh.

Le 1:16

Sư khan: Tơdah lu iĕm kơ'mĭna lu bơngai drŏ-kăn Hêbrơ tơpŭ, mưh tơpŭ kon drŏ-nglo, iĕm ket pơlôch lê̆ hŏ, mưh bơngai drŏ-kăn iĕm rong arih.

Le 1:22

Pharaôn khan tơtă kơ đĭ-đăng kon pơlei sư kơdih thoi âu: Mưh iĕm 'bôh lu bơngai Hêbrơ 'nao tơpŭ kon drŏ-nglo iĕm klơ̆m lê̆ tơ đak krong Nil; kon drŏ-kăn iĕm rong sư arih.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Jang 7:20

Hơtai ei đei mĕ Môis tơpŭ kơ sư. 'Bok Kei-Dei lăp đon kơ nge Môis mơ̆n. Mĕ 'bă sư rong nge Môis tơ hnam lăp pêng khei.

Hêbrơ 13:6

Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”